Ermiyaas 12:5 - NABUWWA KEE MALIKWA

⁵ Too waqdi Yalli yok iyyemii, «Ermiyaasow, sinam lih qalaltu tefferek, faaris lih qalaltu mannal duudetto? Xeet sinni booxal tinnikissek, Ordon rasul tan garboh addat gexxu mannal duudetto?

Ermiyaas 12:5 ပူးပေါင်းရင်းမြစ်များ

1 Aydaad 12:15

Sanatak inikhaytoh alsay Ordon weeqayti emegga 'yeh aruk amo korak yenehiyyat, too weeqaytuk tabba 'yeeniih, elle taben ikkel weeqaytuk ayrô-mawqa kee ayrô-culma le kabul suge mara inkih xiiriyeenih.

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 36:26

Sarrak malik isi baxay Yeracmaqil deqsital amri yeceeh, kaak iyyeemih, «Qadriyél-Seraaya kee Qabdíl-Selemya is lih hayya haay, gexay Ermiyaas kee Baaruk baahay uxuya» kaak iyye. Takkay immay YALLI, Ermiyaas kee Baaruk keenik qelliseh.

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Ermiyaas 50:44

Yalli qagseh iyyemii, «Ordon garboh addak garciik yewqe lubak lac elle gilisa'nnal, Baabelon-mara giliseyyo. Ken magaalak ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.