Ermiyaas 12:12 - NABUWWA KEE MALIKWA

¹² Baaxo inkitanuuk bayisu waa mara ruubeyyo. Carbi keenit abu waa mara keenit ruubeyyo. Sinam buubu waa mari, gitah bakarroytah tan fayya le aroocaak gacak, wararah keenit amaatelon. Ahaysa amaan mageyan.

Ermiyaas 12:12 ပူးပေါင်းရင်းမြစ်များ

Yasaqya 34:6

Sadgatah qidan saqa edde yasguuden gilel, qabala kee xayti elle raaqa gurrah, YALLI a mara edde qidu waa seefih bagul, qabal kee xaytak mangom raaqele. Macaay inteenik, YALLI Bosrâ-magaalal sadgatah ken qideleeh; Edom baaxol ken asguudeleeh, selele.

Yasaqya 57:21

«Umaane le mari amaan mageya» 'yaanam iyya yi Dagelti.

Ermiyaas 15:2

‹Anke genxoo?› kok iyyeenik, keenik intaamah, YALLI iyyem ah teeti: Sahdak garab dalkat siinik ambaxeloonuuh, tonna leemiik tokke gexelon. Sahdak garab carbit ambaxeleeh, tonna leemiik too mari tokke gexele. Sahdak garab qululuh ambaxeleeh, too mari kaadu tokke gexele. Garab kaadu marin baaxo seewah beelon.

Ermiyaas 16:5

«YALLI qagseh yok iyyemii, ‹Sahda elle rookitah table qari maculin. Faxe numih rabah marookitin. Anu ahak wadir a marak inni barkat kaleeh, keenih luk suge kacanuk raaqeeh, keenih maxuwaawa.

Ermiyaas 25:11

Inkih yan rasu abuuruy sahda elle deedalta abeyyo. Baabelon-malikih gabat iysibixe baaxooxa, malcina-tabanih sanat Baabelon xintoh gubat gacele.

Ermiyaas 3:2

Qaleelah amo wagga haytan waqdi ta qaleelah amok isin xiiqareh-xiinah innah uma-taama elle abe waytan arac maay yan? Mayan. Qarabtoyti bacarih tan baaxol duyye bukkusa'gidih, safarat yan marih mamaata elle assexeeruk suga innal, isin kaadu dalwah abittoh assexeeruk sugtan. Uma-taamat baaxo nadaasa abten.

Ermiyaas 3:21

Ermiyaas iyyemii, «Allak qaleh amok xongolo yol radda. Too xongolo akak raddam, Israayil maray isi Dagelta hawweeneeh, dambi le taamat asehiyyak ten. Too mari aba weeqa kee, kallacih aban xongolo yol radda» iyye.

Ermiyaas 30:5

YALLI iyyemii, «Meysih aban weeqih xongolo yol radda. Amaan weeh, cunxita mari aba weeqih anay aabbe.

Ermiyaas 34:17

« ‹Tonna'mmay isin toh abteenik, hay, ta saaku, yooy YALLAH yani siinik axcemii: «Isinni mara ruubaay curri ken aba» siinik exce'mmay, yi yab cinteenih. Tahaysa isinnih dooritten curriyyat siinil ruubeyyo. Toh ma curriyyata inteenik, carbi kee dalka kee qulul rabtaana'gidih, siinil ruubu waa curriyyata. Baadal enna 'ya mari anu siinil baahem yaabbu waa waqdi, kaxxam wariggitele.

Ermiyaas 4:27

Macaay inteenik, YALLI, ‹Inkih tan baaxo abuuruh raaqele iyyeh immay, inkitanuuk tet bayseyyo 'yaanam maxacco.

Ermiyaas 46:10

Immay ta ayro, YALLAY Dagelta kinnih Nabaamak Nabahiyyah ayro kinni. Ta ayro YALLI cane edde gacisa ayro. Ta ayro YALLI isi naqboyta edde digaala ayro. Kay seef saabo cabba haanam fanah ken selele. Ken qabalak cayya 'yam fanah ken selele. Macaay inteenik, YALLAY Dagelta kinnih Nabaamak Nabahiyya, kilbatak Fuurat weeqaytih xaqul tan baaxol sadgatah ken qidele.

Ermiyaas 47:6

‹YALLIH seefow, sahdâ-qidimik taadayu waytam maa saakuu? Ahaysa isi sibah uduuray sahdâ-qidim koo xiqay inxic› 'yaanam axcelon.

Ermiyaas 48:2

Mooyab mari luk yen migaq-gexxo gaba kalele. Cesbon-mari Mooyab mara edde bayisu waa malat yanin. ‹Amay a doolat bayisnay› 'yaanam tittak iyyan. Madmeen-magaala deqsitta magaalal yan marat qeebi abta qaskar ruubeloonuh, tibba ken heelon.

Ermiyaas 8:15

«Ahak wadir amaanah xiinennooh edde nan biyaakak qaffootennom akkaluk sugne'mmay, woh makkooy; wohih aftok akak cunxitan umaane nee tibbixe.

Yacedkel 14:17

«Hinnay kaadu, too baaxol carbi ruubeh, saq kee ummat akah tambaxe innah, kullim duufut beya silac ruube yoo tekkek, too saaku

Yacedkel 21:28

«Bani-adantow, takku waytaamat yab. Ama Israayil mara xaafa Qammon marak, yoo YALLAY Mulki lehiyya axcem, keenih waris. ‹Baysa seef bical yan! Qiduuy cankaxi innah bixiq iyyuh, kaa duugeenih yanin.

Yacedkel 21:4

Seef sibak eyyeqqa heeh, gabbi-qaxak xabba heeh kilbat le kabuh amma 'yaanam fan, uma num kee meqe num tittak meexe'kal bayseyyo.

Yacedkel 21:8

YALLIH qangara yol obteeh; yok iyyeemih:

Yacedkel 21:9

«Bani-adantow, takku waytaamat yab. Yoo YALLAY Mulki lehiyya kok axceemit yab. Af leh yan siibot yan seefi arbaqeeniih samliseenih.

Yacedkel 5:2

Sidooca exxak, exxak teena magaala edde abbaxuk sugen marok caban saaku, magaalah addal gira edde rub. Nammeyhaytoh af magaalak addal elle gexamgexxaamal seefit irgiggiqay qid. Sidochaytoh af caacayat rub. Tonnal anu seef haysitta heeh woo marah ayraddeyyo.

Qaamus 9:4

Qaduwwi seewah ken beya way, tokkel seefit ken qidsiiseyyo. Tahak wadir ken mawaday, ken baatih ugteyyo› iyye» 'yaanam iyye.

Xafanya 2:12

Kuus maraw, isin kaadu seefit bayetton.