Ermiyaas 12:10 - NABUWWA KEE MALIKWA

¹⁰ Allî-baaxok yemeete reedon yi baaxoy qinab xala coox elle aabakuk sugehiyya bayseh. Yi baaxoy buqre elle aabakuk sugtehiyyak amot taqqa 'yeenih gexen. Yi baaxoy qax-muquk sugtehiyya, caxa elle aabuke wayta bakarroyta aben.

Ermiyaas 12:10 ပူးပေါင်းရင်းမြစ်များ

Yasaqya 3:14

YALLI isi marak idoola kee abbobtih yan maral cokmi abele. Keenik iyyu waamah: «Yi baaxoy qinab xala coox elle aabakuk sugehiyya bayissen. Buxaaxi siinik masaakiinak beyten duyyek kibut tan.

Yasaqya 43:28

Tonna leemiik yi marak abbobtih yan mara qaybik qideyyo. Yaqkuubuk rade mara bayseyyo; Israayil-mara buruten mara abeyyo.

Yasaqya 63:18

Dago waktih gide ku mari ku aracay taahirik yani luk sugeeni'mmay, ni naqboytit awayih ibak too aracay koo elle yaqbudeenit yeeqeten.

Ermiyaas 23:1

YALLI iyyemii, «Yi mara bayissaah fixixih rubta malikwat yi cokmi yakku waa saaku, cokmi keenil agibdeele!

Ermiyaas 25:37

YALLIH naqbi baaxo keenik bayseeh finqa abe. Amaanah elle sugen baaxo abur abe.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 3:19

«Israayil-maraw, anu inni bagul, baxi gurrah sin loowitam faxak suge. Addunyal inkih qaxah tayse baaxoy ruffa sin haytahiyya siinih aceem faxak suge. Abbâ-gurrah yoo loowittaanam siinik faxe. Yot darre cabe waytaanam siinik faxe.

Ermiyaas 39:3

Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Ermiyaas 6:3

Amoytit qaskar haysitta hayteh wokkel anfiddigelon. Magaalak dariifal siraq heelon. Kulli num keenik isih elle faxe'kkel keenik anfiddigele.

Ermiyaas 9:10

Too waqdi anu exceemih, «Qaleelah rookitah an. Niqmatak ten baaxoy lacah muquk tenehiyyat gira ruuben. Too baaxoh weeqah an. Woo baaxo a saaku kafteeh sahda magexxa. Safarah woo gita gaca mari mayana. Laahi anay a saaku elle mayantaabba; kimbir kee dubaali akak yeerreh» 'yaanam exce.

Yacedkel 34:2

Bani-adantow, Israayil abbobtit takku waytam keenih waris. Keenit takku waytam keenih warisaay keenik intaamah: YALLAY Mulki lehiyya siinik iyyaamah, «Israayil-loynittey, finqi sin yibbixeh! Isinni amo wagittaanah illi amo mawagittan.

Yacedkel 34:5

Illi loyna luk masuginnaay, tohih sabbatah fixixih yan. Tonna-leemiik alluwwa qiddem kee tokmem yekke.

Daaniyel 8:13

Tohuk lakal malaykattuk teeni, aki malaykattuk, «Ahamay away wacyih tanihiyya annal magide fan sugelee?» axcih oobbe. Woo malaykatti kaadu essereemih, «Kulli ayrol Yallih Qibaadah-Qaril aban sadgatih aftok, a wacyih nuble umaane magide fan sugelee? Qaraanal tan qaskar kee Yallih Qibaadah-Qarit yaaqiteenim gaba kaltu waytam, maa saakuuy?» iyye.

Zakariyya 7:14

Kaxxa caacay guddaafa duufut elle beya'nnal, ken baaxok eyyeqqa ken heeh, marin baaxo fan ken iskiliqe. Tonnal a xaqan le baaxo dibuk raqteeh, dibu tekkeeh; a saaku num teetil mayan» kaak iyye.