Ermiyaas 11:19 - NABUWWA KEE MALIKWA

¹⁹ Yi naqboytit, ricidih beyan marqay is beyan ikke gexahiyyah innah, yoo qidaana'gidih yoo beyaanam faxaanam YALLI yoh warse. Anu toh aaxaguk masuginniyo. ‹Caxa saade'kal akah yargiqen innah, wadiriik kaa kase waana'gidih, a num a waqdiik qidnay› axcuk, yi qidimil malisak sugen. Anu ta umaanet yoh yaniinim keenik aaxaguk masuginniyo.

Ermiyaas 11:19 ပူးပေါင်းရင်းမြစ်များ

Yasaqya 32:7

Xuwaw sinni anaani-leela umaanet assa. Tu maleela edde baysan dirab kee masaakiina cakki edde waysiisan malat gacan.

Yasaqya 38:11

‹Ahaysa cayaatal anuk YALLA abaluk maraaqa› exce. ‹Cayaatal yan mara mabla. Ken mageyaay magaraya› 'yaanam inni afqadol exce.

Ermiyaas 18:18

Too waqdi ta mari iyyeemih, «Ermiyaasak tuk teena abnam nel tan. Nek faxxintaah nel tanim neh warissa seeka taniih, kasloytiitiy fayu neh yacee kaadu linoh. Yallih farmo neh warissaamak kaadu nabuwwa tanik, Ermiyaas tiyak tuk teena innaama. Usuk axcinnaanim aabbe waynaama» iyyen.

Ermiyaas 20:10

Sinam tutuc axcih aabbe. ‹Kulli-ikkel-cunxo-qidek, a num doolat abbobtih warisnay› 'yaanam axcih ken aabbe. Yi kataysis aylahu yok wagitta. ‹Ayrok teena aylahissa kaa hayneh kaa abbixennooh cane kaal gacsenno› iyyan.

Yacedkel 32:24

«Qeelam kaadu wokkel taniih, carbit teetik rabte qaskarih kabaara maroh teetit tan. Addunyal sugen saaku sahda akak cunxitta marak yeneeni'mmay, a saaku too diini maleelah yen mari akeera gexe. Akeera gexe uma marat tikka 'ye qaybi keenit yekke.

Daaniyel 9:26

Too waktih ellecabot Yalli doore mirac tu luk suge waak, kaa qidelon. Woo magaala kee Yallih Qibaadah-Qari, qande le malikih qaskaray woo magaala tibbixehiyyah gabat finqitele. Ahimih ellecabo, Yalli bicse carbi kee finqa gabat luk, weeqi'nnah amaatele.

Hosiqa 9:8

Nabi, Yalli Israayil ummatay kay marah tanihiyyah aylahu kaleh, takku waytam keenih warsa'gidih ruube numu. Tohuh isin kaa ablinnaan waqdi, kimbiro oflot elle yabbixen innal, kaa tabbixeenim faxxaanaah, Yallih Qibaadah-Qaril kaa tinqibeenih.