Ermiyaas 11:11 - NABUWWA KEE MALIKWA

¹¹ Tonna leemiik yooy YALLAH yani taway bala keenil ruubu waam naharal ken aysixxigeh ani'mmay, kudaanam faxaanamah mayasillimaanam yaaxigeenimi. Catoh yol weeqaanamah, keenik maabba.

Ermiyaas 11:11 ပူးပေါင်းရင်းမြစ်များ

2 Malikwa 22:16

‹Yarusalaam kee teetil yan mara digaaleyyo. Ama kitaabay koh yikriyeenihiyya elle iyya'nnal, bala oobiseyyo› iyyah yan» inte.

2 Aydaad 34:24

‹Yarusalaam kee teetil yan mara digaaleyyo. Ama kitaabay koh yikriyeenihiyya elle inta'nnal bala oobiseyyo› iyyah yan.

Yasaqya 1:15

Dooqah kulli way gaba fayya haytaanamah gaboobi siinik qabalat tutlukeh tani'kkal, siinik moggolaay racmatta le intih sin mabla.

Yasaqya 24:17

A addunyal tan ummatey! Siinit raddu wayta cunxo kee, edde raddaana'gidih boodo kee oflo bical siinih tan.

Ermiyaas 11:14

Tonna'mmay Ermiyaasow, ta marih qaadah, dooqah gaba yol maruubin. Ken qaadah yoo makallacin. Gadaamitoonu waan waqdi, yoo kallace loonu'mmay keenik maabba› yok iyye.

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 14:12

Soom kee dooqa abaanamah yol weeqaanamah, aban weeqa keenik moggola. Sadgatah cado akak carrisan saq qidaanamah, hinnay kaadu, dooqak keenih orobta'gidih daro yeceenimih, yi garil oggol keenik mali. Ken wadam hinnaay, carbi kee qulul kee dalkat ken seleyyo» 'yaanam yok iyye.

Ermiyaas 14:2

«Yuudah ummatta edde tanim rookitiyya; ken magaalooli edde tanim finqi adda. Yarusalaam ummatta gubbik bagul deerih gacca 'yeenih weeqat yanin. Yarusalaam mari catô-fayxih deero aban.

Ermiyaas 15:2

‹Anke genxoo?› kok iyyeenik, keenik intaamah, YALLI iyyem ah teeti: Sahdak garab dalkat siinik ambaxeloonuuh, tonna leemiik tokke gexelon. Sahdak garab carbit ambaxeleeh, tonna leemiik too mari tokke gexele. Sahdak garab qululuh ambaxeleeh, too mari kaadu tokke gexele. Garab kaadu marin baaxo seewah beelon.

Ermiyaas 18:11

Tonna'mmay taway, Yuuda kee Yarusalaam magaalal yan marak, anu siinik abu waamih malat aniih, sin digaaleyyo siinik iyye keenik inxic. Edde yanin dambiy kulli way abaanahiyyak uduura keenik inxic.

Ermiyaas 19:15

Keenik excemii, «YALLAY Nabaamak Nabah, Israayil doore Dagelta kinnihiyya siinik iyyam ankacisa. ‹A magaala kee teetil yan maraay tet dariifal tan magaaloolil yan maral, duma siinil oobiseyyo exce balak tu macabay siinil oobiseyyo. Keenil akah oobisu waam, yi yab aabbe waah aba keenik excem abe waa mara yekkeeniih; tohuk gexxaamah, bala siinil ruubeyyo› siinik iyyah yan» keenik exce.

Ermiyaas 19:3

‹Yuudâ-malikwa kee Yarusalaamal yan maraw, YALLI siinik iyyam oobbeya. YALLAY Nabaamak Nabah, Israayil doore Dagelta kinnihiyya a baaxol ibaak gibdi balay yaabbe marih xagarak xoq qiddahiyya siinil ruubeyyo.

Ermiyaas 23:12

Oson edde gexan giti, dite kee futuci le gita; aydafoofole ken liyooh too waqdi annikisselon. Digaala keenit abu waa saaku, bala keenil oobiseyyo. Tahat yabtam yoo YALLA kinni.

Ermiyaas 25:35

Kudmah gexxan rike mageytan; akak tawqen foxo matan.

Ermiyaas 35:17

Tahaysa yoo YALLAAY, Nabaamak Naba Dageltay Israayil doore kinnuk, siinik axcemii, Yuuda kee Yarusalaam magaalah maraw, siinil ruubeyyo exce bala, akah exce'nnah, siinil ruubeyyo. Sin lih yaabeeh; aabbe cinteenih. Siinih seeceeh; maqal yok edde mahannitoonu'mmay, tahaysa bala siinik raq malim ixiga› 'yaanam keenik inxic» yok iyye.

Ermiyaas 36:31

Koo kee kok rade mara kee, ku doolatak saqoltih yan mara inkih, abba hayten dambih sin digaaleyyo. Koo kee Yarusalaam magaalal yan mara kee Yuudah yooboke marak, «Maabinay uduura» 'yaanam siinik exceh suge'mmay, woh num siinik moggolinna. Tonna leemiik duma siinil oobiseyyo exce balak tu macabay siinil oobiseyyo› 'yaanam kaak inxic» iyye.

Ermiyaas 6:19

Addunyal tan ummatey, yoh oobbeya! Oson abba heenimih digaalah, a maral bala ruubeyyo. Oson baaheenimih ken digaalah an. Anu keenih ruube xinto cineeniih yi qangarah ayti yacoonu cineenih.

Yacedkel 14:3

«Bani-adantow, ama marih kalbi, gabat bicsen duyyeh qibaadat yufkuneh yaniih; too duyyey dambi lem xalta isinni misinkacal heenih yaniinik, anu tu yoo esseri ken maha.

Yacedkel 7:5

YALLAY Mulki lehiyya kaadu yok iyyeemih, «Balak bala sin ciggiilele.

Yacedkel 8:18

Tonna'mmay tahaysaay yi bagcarra le'nna ablelon. Keenih maracmataay maxuwaawa. Anay fayya haak yoo kallacaanamah keenik moggola» yok iyye.

Qaamus 5:19

Too ayro, naharak lubak afal gaceeh, lubaakak yisillimem yekkele waqdi, kabqih afal gaceeh; kabqik isillimeh ahaysa buxa wadbiteh iyye waqdi, qari afal sugte abeesa edde arte numih ceelallo siinit akkele.

Miika 3:4

«YALLAL elle weqtoonu waytan wakti xayih, yemeeteh immay, too saaku YALLI too weeqa siinik moggola. Umâ-yabulih tanim abak sugteeniih, tohuk gexxaamah YALLI abtan dooqa siinik moggolaay darre siinit cabele» siinik axce.

Zakariyya 7:13

Anu ken lih yaabe waqdi, yoo aabbe cineenimih sabbatah, ken dooqa moggoliyyo. Tah intam yoo YALLAY Nabaamak Nabahiyya.