Ermiyaas 10:9 - NABUWWA KEE MALIKWA

⁹ Galdaddaqin lakqo Isbaaniyah rasuk baahaanaah; dahab kaadu Uufad deqsitta baaxok baahan. Tonnal gabâ-naggaarinna le mari, lakqo kee dahab kee cooxuk yalla-'yeenih-yaqbuden-duyye bicsan. Sari cixxa yaaxige mari kuclinan kee qasdiimin sara bicissa heenih sartanah edde haan. Too duyyey yaqbudeenihiyya inkih bicissam, gabâ naggaarinna le mara.

Ermiyaas 10:9 ပူးပေါင်းရင်းမြစ်များ

1 Malikwa 10:22

Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

2 Aydaad 9:21

Badal gexa maraakibik butta luk yen. Kay maraakib Curam maraakib lih gexak yen. Too maraakibit yan mari sidooca sanatal inki adda dahab kee lakqooy dakni-qaag kee wagaqwa kee qaxa le kaxxa kimbir eerra heenih baahak yenen.

Yasaqya 23:6

Isin baddi-afal yan maraw, rookitaay boogisa. Isbaaniyah baaxo fan kuddaanam gabbata.

Yasaqya 40:19

Gabak bicsen ceeloh innah, birtak aben ceeloh innah, dahabak yuskuten ceeloy lakqok yan birtak bicseeniih, silsilatat daabiseenih, inna malim Yalli, digga.

Yacedkel 27:12

«Isbaaniyah rasu lih badaaqat abak ten. Caddo sinni duyyey keenil teylemmehiyyat milaaguh (libaakih), lakqooy biriitaay dingo kee qarar geyak sugte.

Yacedkel 27:7

Ku markabih siraaqay dilwa le *baftak bicseenihiyya Masrik baaheeniih; simbil innah allaak yambulle. Markab amoh saroy Kobros gadiirik baaheenihiyya kuclinan kee diiminan bisu le.

Daaniyel 10:5

Wonnah wagga hee waqdi, *baftak bicsen meqe-sarot sartanah yan numuy agle sinni dahabak bicsen qarum bagul lehiyya uble.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Yoonas 1:3

Tonna'mmay Yoonas YALLAK kuda'gidih, aki qaxal gexe. Yaffa fan gexeeh; tokkel Isbaaniya gexxa doonik gee. Too doonikih kira igdiyya heeh, YALLAK elle yambooqoruh Isbaaniya gexa'gidih teetit kore.

Cabakkuk 2:19

Woyyow siinit takku waytaamow! Caxxa kee xaay gabak orra heenih bicseenihiyyak «Xiinik uguta» intan. Ta xeet kee coox siinih warsa sirri maay le? Siinih tu warsam hinna'mmay xeet kee coox isih rooci mali. Bagul dahab kee lakqo akak haytaanah immay tohuh rooci mali.