Ermiyaas 10:24 - NABUWWA KEE MALIKWA

²⁴ Tonna'mmay YALLAW, isi mara umaanek gacis. Abba hannaanimil nee makataatin. Bagcarritta waqdi digaalak nee cat. Abba hannaanimil nee katatteeh, bagcarritta waqdi nee digaaltek, wonnal baatik sa qamballam mannu.

Ermiyaas 10:24 ပူးပေါင်းရင်းမြစ်များ

Yasaqya 28:28

Kamadi akak bahta'gidih, fiiruk geerah caxxat matuman. Kamadi aame'kal faras gaari bagul akak elle beyan inna yaaxigeh.

Yasaqya 40:23

Cayla-leelah tan abbobtik, cayla beyah, ken cabsiisah; keenik beyah, foyyal caba. Baadal amri tecee abbobti finqah ruubah, foyyal caba.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 46:28

Anu sin lih ani'mmay mameysitina. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Cabakkuk 3:2

YALLAW, duma abtem kok oobbeh. Migaq gexxo le Dagelta kinnitom, YALLAW, aaxigeh. YALLAW, kok abto digga haa; duma-abtem cubbusa waqdi, qagabsitah, qagab axce. Kaxxa abittoy dumah abte, ni dabaanal kaadu qagis. Isi qande nee uybulluyaay isi bagcarrak nee cataay, isi racmatta nel oobis.