Ermiyaas 10:18 - NABUWWA KEE MALIKWA

¹⁸ Macaay inteenik, YALLI iyyaamah: «Away a baaxok ken xiiriyeyyo. Kaxxa gibdaabinay uma'nnah ken biyaakisahiyya keenil oobiseyyo» iyyah yan.

Ermiyaas 10:18 ပူးပေါင်းရင်းမြစ်များ

Yasaqya 22:17

Atu kaxxa numuh is lowta koo'mmay, YALLI ukkuqqa koo heeh baaxot koo qidele.

Ermiyaas 16:13

Tonna leemiik a baaxok sin ayyaaqeyyooh, duma sin kee sin kaxxa abbobtik num aaxaguk suge wee baaxo fan sin ruubeyyo. Tokkel bar kee laqoh yi aftok xeet kee cooxuk bicsen tumamme aqbudetton. Tahak wadir yi kabuk siinih racmataanam gaba kalteh, 'yaanam keenik inxic› yok iyye» iyye.

Ermiyaas 22:26

Koo kee ku-ina marin baaxo seewah rubsuuseyyo. Siinik num elle aabuke wee baaxo fan sin ruubeyyo. A baaxo sarrah mataduuraanaay, takken nammayak marin baaxoy seewah sin beenihiyyal rabetton» kaak iyye.

Ermiyaas 23:20

YALLIH bagcarra isih faxem abe'kkal, maxabbacowta; keenih loowe digaala keenit abele'kkal, macaba. Yamaatu waa dabaanal tahat radettoonuuh; aaxigetton.

Yacedkel 6:10

Anu YALLA kinniyom yok aaxigelon. Maabina keenik excem abeenik, ken bayisu duuda Dagelta kinniyom aaxaguk raaqelon» yok iyye.

Xafanya 1:17

YALLI iyyaamah, «Ummat inti maleelah innah tataf edde inta bala ummatal ruubeyyo. Dambi lem yol baaheeniih; tohuk gexxaamah a saaku qabal leeh innah keenik caxitele. Raysi keenik abicca 'yeh baaxô-bagul qangalaalele.

Zakariyya 1:6

Nabuwway yi naqoosah tanihiyya lih yaabak, ‹Ama marak maabina inxicaay, yi yab macinina keenik inxica› axcuk suge'mmay, sin kaxxa abbobti tohut baaqid mahanna. Tohih sabbatah gibdi biyaakah biyaakiten. «Toh yublen waqdi sin kaxxa abbobti, ‹YALLAY Nabaamak Nabahiyya ascubuk sugem abeeh; akah iyye'nnal, nek uma-caalat kee uma taamay abnehiyyah nee digaale› axcuk, isinni dambik toobiteenih, 'yaanam keenik inxic» kaak iyye.

1 Samuwel 25:29

Qeebi kot abam faxaah koo qidam faxa num yenek, YALLAY ku Dageltah yanihiyya koo dacrisele. Num kicna duyye elle dacrisa innal, YALLI koo dacrisele. YALLI ku naqboytit wanxefit xeet elle qidan innal qidele.