Ermiyaas 10:10 - NABUWWA KEE MALIKWA

¹⁰ Takkay immay YALLI numma Dagelta kinni. Waara Dagelti kaa; ambaxe sinni reeda le Malik kaa. Usuk bagcarrita saaku baaxo axaxittah. Kay naqabut koysita mari mayana.

Ermiyaas 10:10 ပူးပေါင်းရင်းမြစ်များ

1 Malikwa 18:39

Ummatta ah tuble waqdi baaxol gommoh raddeeh, «YALLIIY Yalla kinnih! Yalli dibuk kaa» iyyen.

1 Malikwa 8:60

Tonnal, addunyâ-bagul yan mari inkih, Yalli dibuk kaa kinniih; kaak sa gersi Yalli ane waam aaxigelon.

1 Aydaad 29:11

Qaran kee baaxol tanim inkih kuumu. Nabna leeh diifu lem kooy; qande kee nasri lem kooy; hayba dibuk lem koo. YALLAW, abbootan lem koo; kulliimik fula leeh daga raaqa dardar koo.

2 Aydaad 15:3

Mango dabaanah Israayil mari nummâ-Yallak yexxeereenih sugeeniih, kay xintok kaadu yexxeereenih sugen. Kay xinto ken barissa seeka luk masuginnon.

Yasaqya 37:17

YALLAW, ayti yoh ucuyaay yaaba yab yok oobbey. YALLAW, net takkem ubul. Sanceerib, kooy waara Yalla kinnihiyyak abe xaafuh inxicca iyyem inkih oobbey.

Yasaqya 37:4

Assuuriyah-malik waara Yalla xaafa'gidih, qaskarak abbah-yan-num ruube. YALLAY ku Dagelta kinnihiyya a xaafu yoobbem takkeeh; tohuh ken digaalele. Tonna'mmay ni marak raaqe marah dooqa ab› » 'yaanam farmoh kaah ruube.

Yasaqya 40:15

YALLI doolat tuh mayabla. YALLIH garil doolatwa inkih, roobuk radde tiffoh gide; qiddeyti gide, kay foocal. Gadirwa inkih YALLIH garil, gabat heen ballaaqeh gide.

Yasaqya 40:28

YALLI waara Goyta kinnim baad inkih gintem kaa kinnim siinih warse num maay suge? Cawal maabaay, maboolaata; kay ixxiga caddo malim aydumah mataaxigaana?

Yasaqya 57:15

Macaay inteenik, daga raaqa *kudduusuk yan Dageltay kulli way waarahiyya iyyaamah: «Elle anim daga raaqah kudduusuk yan araca'mmay, toh lih kaadu yoh rammitaah toobita mara lih anyo. Ken lih akah anim, kibaal kee niya keenit haa'gidi.

Yasaqya 65:16

Addunyal faxinnaan ikkel, dooqa sinaamah aba num, dooqa yi migaaqal abak, ‹Digga leh numma le Goyti barkat siinit haay› axcele. Xiiba-aba-num akkel yenek, digga le Goyti-migaaqal xiibitele, xiibita way. Dumah siinit tekke umaane aakeri hawwensimele. Akke wayteh innah heeyyo» 'yaanam iyye YALLI yaabe.

Ermiyaas 23:36

Sahda, waara YALLAY Nabaamak Nabahiyyay ken Dagelta kinnihiyyah yab makkook makot beyan. Tahak wadir ‹YALLI ruube quuka› 'yaanam axce waanama. Toh iyya num yenek, yi farmo nummah quuka kaal abeyyo.

Ermiyaas 4:2

gitah tanim taamitak, baguuk YALLAY waarahiyyah migaaqal xiibitteenik, tonnal ummatta inkih, ‹Yallaw, barkat net hay› yok axceloonuuh; yoo fayliselon» iyyah yan.

Ermiyaas 4:24

Qaleela wagga hee waqdi, qaleeli kaadu dillibitah uble. Koomaami kabuk kabul koramkorah uble.

Ermiyaas 50:46

Baabelon mara yabbaxoonu waan saaku, aboonu waan deerok gexxaamah, baaxo edde engeyya axcele. Ken weeqi mango baaxoh addal antaabbele» 'yaanam iyye.

Ermiyaas 51:29

YALLI Baabelon rasuh loowe bala teetil oobisu waa saaku baaxo angayyeleeh, dillibitele. Baabelon abur akkeleeh; dabaaqah num teetil magaca.

Daaniyel 4:3

Yalli nee yaybulle qagabak tanim manxu nabna le; usuk abe ablewaynuh tanim kaxxa cayla le. Waara malikih tanim, Yalla. Kulli way mulki lem, Yalla.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Daaniyel 6:27

Umaanek cattaah waddam kaa. Able weeniih aabbe weenim, qaran kee baaxô-bagul abtam kaa. Lubookah afak Daaniyel cattem usuk yaqbude Dagelta» 'yaanam iyye.

Daaniyel 7:14

Too waqdi mango baaxoh tooboke ummatta kee mango kedoodah tan ummattaay, tonnah kaadu, mariy isi afat akak yaaba inkih, kaa akah taqbude'nnah, too sahdaytuh ceelot yan numuh, nabna kee malikanni qande tontocowweeh ten. Usuk le abbootan waara abbootanak ten. Kay dardaarinni gaba kala dardaarinna hinna.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Miika 1:4

Yallih itqat too qaleeli, samqiiti-innah diyaayele. Too qaleelak ooba diyay, leeh innah daqar oobele.

Naacum 1:5

YALLIH foocal qaleeli kadiidimitah. Kooma kay foocal diyaytah. YALLIH garil baaxo axaxxah. Addunya kee addunyâ-bagul enna 'tam inkih axaxittah.

Naacum 1:6

YALLIH naqabuk iyyi soolak raaqaah? Kay bagcarray girah innah urtahiyya iyyi yasseede? Kay naqbi kulli marat girah innah ura. Xeet kay foocal bokokah ballaaqe yakke.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

Cabakkuk 3:6

Kay soolol baaxo tangayye. Inkih tan ummat kee ayyunti, kay wagittol axaxita. Addigille wayta qale kay wagittot riira takke. Dumî-dabaanal, xer saaku, usuk edde gexe gital sugte koomaami sutta inteh.

Malaaki 3:2

Takkay immay usuk meqe saabun wasak elle kala'nnaay, giray birta tasiffiye innah amaatele. Tonna leemiik usuk yamaatu waa waqdi, iyyi sugam duudaa? Usuk yamballayu waa waqdi, kay foocal iyyi soolam duudaa?

Yoosuwa 3:10

‹Waara Dagelti sin lih yaniih, isin bisoh gutuqak elle tamaateenimil Yalli Kanqaanah yooboke maraay, Ciitah yooboke maraay, Ciiwih yooboke mara kee Feriidah yooboke maraay, Girgaasah yooboke maraay, Amoorah yooboke mara kee Yabuusah yoobokeh mara inkih baaxok ayyaaqele. Waara Dagelti ne'lih yanim macal aaxigenno inteenik, YALLAY inkih yan baadak Amoytah yanihiyyah qahdih sandug Ordon weeqaytuk siinik foocak tabselon.

Makaabon 5:4

YALLAW, Seeqir qaleela cabteh gexxe saaku, Edom deqsita rasuk tewqe saaku, baaxo tengeyyeeh qaraanak rob radeh; qamburreh addak lee caxitte.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.