Ermiyaas 1:9 - NABUWWA KEE MALIKWA

⁹ Sarrak YALLI gaba yi fanah ruubeeh, feerah sokto yok xage. Too waqdi yok iyyeemih, ‹Edde yabtu wayta yab afat kok haah an.

Ermiyaas 1:9 ပူးပေါင်းရင်းမြစ်များ

Yasaqya 49:2

Yi-afak yawqe qangor inkih, gileh innah af bahsiise; isi gabat yoo dacrise; arbaqen (samlisen) gaysê-baxi innah, yoo samliseh, af bahsiise; sibah addat yoo dacrise.

Yasaqya 50:4

Boolaatteemit qande haa'gid, keenik axcem YALLAK barte; YALLAY Mulki le yoo barse. Usuk yoo barsa baritto, kulli maaca ankacisa'gid, xiinik yoo ugusak, yoo barsa.

Yasaqya 51:16

Qaran fidisak, baaxo elle solta rakiibo bicisak, Siyon-marak, ‹Isin yi mara kinnitoonu› axcuk, inni farmo afat siinik heeh inni gabat sin dacrise» 'yaanam iyye.

Yasaqya 59:21

YALLI qagseh iyyaamah, «Dambik toobite mara lih haa qahdi ah kaana: inni baritto kee inni Roocaaniyya kot haa. Tonna leemiik tahak wadir ellecaboh ayro fanah, kooy ku xaylo kee keenik radu waa mara kaadu yi baritto oggolettoonuh, barsetton. Taham intam yoo YALLA» iyyah yan.

Ermiyaas 15:19

Too waqdi YALLI yol gacsemii, «Yol tuduurek, koo gacseyyooh, uxih inni naqasu koo abeyyo. Maqna sinni yaabat yaabe waytaah, sinaamah tuxxiq le farmo warissek, uxih yi nabiy akah sugteh koo gacseyyo. Ellecabol sinam elle tamaate numuy sinam fanah gexe waahiyya koo abeyyo.

Ermiyaas 34:6

Tohuk lakal nabi Ermiyaas, YALLI kaak warisa iyye farmo, malik Xidkiyay Yarusalaamal yeneh warse.

Ermiyaas 36:2

«Xambaqen-warkat baahay, Israayilih yooboke maraay Yuudah yooboke mara kee, raqqa 'te doolatwah giddinaamak, anu edde yabba excem elle uktub. Yoosiyaahu malikih yen saaku naharak ko'lih edde yaabe yaabak xabba haay a saaku fan, ko'lih edde yabba exceemik tu cabe'kal uktub.

Ermiyaas 5:14

Takkay immay YALLAY Nabaamak Naba Dagelta kinnihiyya yok iyyeemih, «Ermiyaasow, a mari tamah yok iyyeh yani'mmay, yi yaabay ku afak yawqehiyya gira keenil abeyyooh, atu lih yabta mara boco abeyyo. Too gira ken selele» 'yaanam yok iyye.

Yacedkel 3:10

Yalli qagseh yok iyyeemih, «Bani-adantow, ko'lih yaaba yab nagay cubbusay raq.

Daaniyel 10:10

Sarrak gaba yoo tibbixeeh gulub kee gabah yoo cabte. Too waqdi axaxitak suge.

Daaniyel 10:16

Sarrak sahdayti ceelo luk yen malaykatti sokto gabah yok xageeh; too waqdi yaabam duudeh. Foocal yok soolak suge malaykattuk exceemih, ‹Yi goytaw, a wacyiy ublehiyya kaxxam yoo biyaakeemih sabbatah boolaateh an.