Ermiyaas 1:8 - NABUWWA KEE MALIKWA

⁸ Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 1:8 ပူးပေါင်းရင်းမြစ်များ

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Yasaqya 51:12

YALLI iyyemii, «Niya siinit haytam yoo kinni way, sahdaytuy rabah yoobokeeh qaysok maqarah ayse waahiyyak macah meysittan?

Yasaqya 51:7

Qadaalat kinnim yaaxige maraw, yoo ankacisa. Yi xinto afqadoh addat kutbeh akak tan maraw, yi yab oobbeya. Sinam siinil qangaasaltaah sin ilaqtaamah, keenik mameysitinay hagga maxcina.

Ermiyaas 1:17

Tonna'mmay taway ugutay, anu kok axcu waam keenih warissa'gidih bical gac. Keenik mameysitin. Keenik meysitta intek, ken foocal kaxxa cunxoh akak cunxittam kot ruubeyyo.

Ermiyaas 20:11

Takkay immay YALLAW, atu yo'lih taniih, qande kee cayla lem koo kinnuk, tutuc axcuk aylahu yoh gorrisa mari sarrah qaybit radele. Qaybi way ken macaba. Hebeltoh im gabal keenih mabicta. Sahda hawweene wayta qaybi ken abbixele.

Ermiyaas 30:11

Anu sin lih aniih, siinit takkeemik sin wadeyyo. Ama fixixih sin elle abbixe baaxooxah mara inkih bayseyyo'mmay, sin inkitanuuk mabaysa. Adabi akak geytan digaalah sin digaaleyyo. Celta digaala siinit abeyyooh; annaak gexxoonay sin maxca. Tahat yabtam yoo YALLA» iyye.

Ermiyaas 39:11

Malik Nabkadnessar kay qaskarak abbah yen Nabudardanak iyyeemih,

Ermiyaas 42:11

Ahaysa akak meysitak sugtan Baabelon-malikik mameysitina. Anu sin lih ani'kkal siinil baaham mali› siinik iyyeeh;

Daaniyel 3:17

Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Daaniyel 3:25

Too waqdi malik iyyeemih, «Hay, a girah addat affara num wonnak annah gexah ablek, ah macaay? Axawat kaadu mayaniinaay xagaral keenik cararow kee biyaakak tambulleem matan. Fereyhaytô-num yallittek tiyak teenah tan kaa» iyye.

Yoosuwa 1:5

Tonna'mmay Yoosuwaw, atu addunyal tanim fan qeebil num kok mayaysaay; anu kaadu Muusa lih akah suge innah ko'lih aneyyo. Kok mabaxsimaay way koo macaba.

Yoosuwa 1:9

‹Agaagul akak cabay a taamal digga xic› 'yaanam amrih kol oobiseh; tama amri hawweene waytam kol tan. Anu *YALLAAY; ku Dagelta kinniyooh; elle gexinnaan ikkel ko'lih ani'mmay mameysitinaay; niya kok baxaqe waytay» kaak iyye.