Ermiyaas 1:16 - NABUWWA KEE MALIKWA

¹⁶ Qagissa heeh yok iyyemii, ‹Yi mari umaanet asa. Yoo cabba heenih yalla axcuk yaqbudeenimih qaydarus ruubaanaah; isinni gabak bicsen duyyeh qibaadat gacen. Tohuk gexxaamah ken digaaleyyo.

Ermiyaas 1:16 ပူးပေါင်းရင်းမြစ်များ

2 Malikwa 22:17

«Kalah kaak intaanamahaa, ‹Toh akah abu waam, oson yoo cineeniih xeet kee cooxuk isinni gabak bicsen duyye yaqbuden. Anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 15:2

too num tohuk lakal malik Aasat matra'gidih gexe. Anay fayya heeh deero kaah abeeh, «Malik Aasaw, yoo ankacis. Yuuda kee Benyam maraw, kaadu yoo ankacisa. Isin YALLIH mara tekkeenik, YALLI kaadu sin lih anele. Niya kaa fanah hayteenik, kaa gee liton. Takkay immay darre kaat cabteenik, darre siinit cabele.

2 Aydaad 28:2

Duma sugte Israayil amoytiitik kaxxih, Yalli niqbam abak suge. Baqal deqsittaamay Yallih aftok yaqbudeenihiyyah weelol birtak bicse.

2 Aydaad 34:25

Kalah kaak intaanamahaa, ‹Toh akah abu waam, oson yoo cineeniih, xeet kee cooxuk isinni gabak bicsen duyye yaqbudeeniih; anu inqibba haam aban. Yi naqbi Yarusalaamal oobeh ikkal, ahaysa maxamaca› 'yaanam iyye kaak inxica» inte.

2 Aydaad 7:19

Takkay immay sin takku, sin ramad takku, darre yot cabteenik, aba siinik exceh sin akah amrisem cabba hayteenih, yi aftok gersiimih qibaadat culteenikii,

Yasaqya 2:8

Ken baaxol xeet kee cooxuk bicsen duyyeeyay yaqbudeeni kibuk tan. Too duyyey isinni gabak bicseenihiyya yaqbudeenih, gabat oren duyyeh gomboh radan.

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Yasaqya 44:15

Ta coox irgiqqa haan waqdi yirgiqen caxak garab girâ-bocoh haan. Too bocoy uruuseenihiyyal waacak isinni elle laqsaanaah, tonnah kaadu, gaqambo elle alaysan. Raaqe garabak ceelo bicsaanaah yaqbudeenih gommoh akah radan.

Yasaqya 65:3

Too mari niqibyom abah fiiruk geerah ahat asaah foocal yok tohumut asa. Bustaan addal sadgat aban; daaduruk xisen aracal qibaadah qerto ruubaanah. Inkih tan ayroy dudda le ‹Yol ama› axcuk namma gaba keenih fidseh, ‹Yol ama› exce.

Ermiyaas 10:3

Macaay inteenik, a marih diini foyyâ-diini. Garboh addak caxa irgiqqa haanaah too caxa coox-ora-numul yaceen. Too num too caxa orra haah bicissa heek lakal, dahab kee lakqok bilan. Sarrak radaamak bismaarat aracak teenat daabisan.

Ermiyaas 11:12

Anu too bala keenil ruubu waa waqdi, Yuuda kee Yarusalaam mari, ‹Ni rabbi› axcuk sadgat akah abakaay qaydarus elle ruubak sugen duyyeeya ken mawadda.

Ermiyaas 11:17

«Yoo YALLAY Nabaamak Nabahiyya duma Israayil kee Yuudâ-mara caxah innah uysubukeh suge'mmay, ta saaku bala keenil oobiseyyo. Toh keenik akah abu waam, umaamay dambi lehiyya baahaanaah, Baqal akak iyyaanamay yaqbudeenihiyyah sadgat abaanaah, naqabu yot culsan» 'yaanam iyye.

Ermiyaas 15:6

Yoo cinteeniih; isinni uma taamat wadir tuduuren. Tonna leemiik gaba siinil qideh sin bayseyyo. Wadirih siinih xuwaawam maaba.

Ermiyaas 16:11

Too waqdi keenik intu waytaamah: YALLI siinik iyyaamah, Dumî dabaanal isin akak radden sin kaxxa abbobti yoo cabba hayteh gabak bicsen duyye aqbuduk sugen. Yi yab kee anu keenik aba exceemit maqal mahaysitinnoonuuy cinak sugen.

Ermiyaas 17:13

YALLAW, Israayil ummat kibaal elle lem koo. Koo bursutta haa mari inkih qawratak radele. Kooy sila le leeh raceynah yanihiyya cine mari siisâ-bagul yuktuben migaq akkelon.

Ermiyaas 18:15

Yi mari yoo cabba heeh tu xiqe sinni gabak bicsen duyyey yallah loonuh qaydarus ruuban. Meqe gitay kataate raareenihiyyak, too duyyeh qibaaday edde yaniini ken raaqisseeh, makot ken beyte. Ken kaxxa abbobti kataatak sugte gita cabba heenih, makot yan gitat gexaanam dooriten.

Ermiyaas 19:4

Macaay inteenik, yoo maaqilteeniih, yot darre cabteeniih, yalla axcuk taqbuden duyyey xeet kee cooxuk bicseenihiyyat baaxo wasak abten. Taham duma sin kaxxa abbobti aaxaguk sugtem hinnaay; isin, Yuudâ-malikwak, kaadu aaxaguk sugteenim hinna. Tohuk kalah kaadu, a baaxo tu baahe wee marih qabalat bayissen.

Ermiyaas 2:13

Macaay inteenik, yi mari namma dambit aseh yan. Yooy banaadantu bakaarak waddaah sila le lee bisu lehiyya cabba heenih lee addal akak salale wayta dorwah dagot gacen. Tah intam yoo YALLA.

Ermiyaas 2:17

Israayil xayloy ta axxul le umaane siinit akah tekkem, yooy sin Dageltah yaniih gita sin beyak sugehiyya cabteenimih sabbata. Tamah isinnih isinnil bahten umaane.

Ermiyaas 2:19

Abten-umaane siinil aduurele. Yoo hawweenak abak sugten dambi sin abbixele. Yooy sin Dagelta kinnihiyya maaqiltaanaah imaan yol hee waytaanam, biyaakak leh gide baritettoonuuh aaxigetton. Tah intam yoo YALLAY Dagelta kinnih, Nabaamak Nabahiyya.

Ermiyaas 2:28

Anu siinik axceemih: Yalla akak intan duyyey isinni gabak bicisseenihiyya ankel tan? Ta duyyey yalla akak intaanahiyya mangah sin magaaloolik madagok, gadaamittaanaah caalat siinil uma waqdi, sin akah cate waytam macaay? Sin edde wadan dudda maay lon?

Ermiyaas 4:12

A caacay akak yamaatu waam yoo kinnuk, kaxxa caacaya. A saaku anu inni ummattal innih ackumeyyo» keenik axcele.

Ermiyaas 4:28

Tonna leemiik, baaxo rookitele; qaran dattoowele. Tah intam yooy; exce yaabat maqagita. Excem exceh ikkal, tohum abeyyo› 'yaanam iyye.

Ermiyaas 44:17

Ninnih abnam faxak sugnem abenno. Duma nee kee ni kaxxa abbobtiiy ni malikwa kee nek saqoltih yan mari, Yuudâ-magaalooli kee Yarusalaam gitittel, gannat-malikáh faaroh qinabak bicsen kamri baahak sugeeniih, teetih sadgat elle abak sugen innal, nanu ta saaku uxih tonnal abenno. Toh abak nen saaku gaddaloolah sugneeh, buxa nek niqmatah sugte. Waynaah akak ceyinnam luk masuginnino.

Ermiyaas 5:29

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 5:9

Tannah yan mara digaale week, maa mara digaalah an? Ken digaaleyyo. Ta marak cane gacseyyo. Tahat yabtam yoo YALLA.

Ermiyaas 51:17

Tah inkih abalih sahda xangi maleelay tut rade wayta tekke. Yalla axcuk yaqbuden duyye dahabak bicsa mari wohut wacarriyele. Oson bicsan yalla akak iyyan duyye anqaasah elle rabaanam ikkal, rooci leeh ufuy lem hinna.

Ermiyaas 7:17

A mari Yuudâ-magaalooli kee Yarusalaam magaalah gitittel abaanam keenik matabla inna?

Ermiyaas 7:18

Yol umam baahaana'gidih, urri keenik boco baahaah, ken abbobti woo bocot gira urussa. Agbi keenik qagina arqusa. Too qaginak too giral alaysen gaqambo, Gannat-Malikáy yallah loonuhiyyah dooqah baahan. Tohut mayaadiyaanay, yalla akak iyyan duyyeh sadgatah qinabak bicsen kamri baahan.

Ermiyaas 7:9

Garqa abtaanaah, sahda qiddaanaah, dalwa abtaanaah; diraabay taceenihiyya numma sinaamat celsissaana'gidih, xiibittaanah. Baqal akak intan gabak bicissen ceeloh dooqa axcuk qaydarus rubtan. Duma aaxige waak sugten duyyeeya Yalla axcuk taqbuden.

Yacedkel 16:18

Woo anu koh ecee dilwa le sartan bahha hayteeh, woo lab numih ceeloh bagul hayte. Anu koh ecee caxâ xaylok bicsen *zeyti (saliid) woo ceeloh sadgatah teceeh; anu koh ecee qaydarus wokkel sadgatah rubte.

Yacedkel 24:14

Tahat yoo YALLAY Mulki lehiyya yaabeh an. Ahaysa gaba edde qidu waa wakti xayyooweh yan. Abta umaane abalih tibba kok maxca. Koh maxuwaawa. Abteemih diggalsimetto. Tahat yabtam yoo YALLAY Mulki lehiyya› » iyye.

Hosiqa 11:2

Takkay immay anu keenih elle seecaamal, yok axxeeruk yexxeeren. Yi mari Baqal akak iyyaanamay yallah loonuh sadgat aban. Gabak bicsen duyyeh dooqah qaydarus qeerisan.

Hosiqa 8:6

Israayil mari yaqbudem, num gabak bicse duyye ikkalah Yalla hinna. Samaariyal yan mari yaqbude daheltih ceelo bututtukku heelon.

Ayyuqel 2:11

YALLI kakkaqô-xaw xaawak isi qaskar amrisaah; kay qaskaray kay amri oggolta kaxxa manga kee qande le. YALLIH cokmih-ayro takku waytam nummaak gibdiimi. Tahak iyyi nuwwuk raaqa?

Yoosuwa 24:20

Kaa cabba hayteenih marin mari yaqbudem tuqbudeenik, gaba siinil qideeh sin digaalele. Duma siinih maquk sugaamah, sin baysele» keenik iyye.