Ermiyaas 1:15 - NABUWWA KEE MALIKWA

¹⁵ Macaay intek, kiblat le kabut raqta doolatwah seeco abeh aniih; too doolatwah amoytit a baaxo amaatele. Yarusalaam magaalak culmeynal dardaarelon. Yarusalaam magaalat maroh tan gasoosah dariifa kee Yuudâ-magaaloolit inkih qeebi abelon› 'yaanam yok iyye.

Ermiyaas 1:15 ပူးပေါင်းရင်းမြစ်များ

Yasaqya 22:7

Yuudâ-baaxoy niqmatak tanihiyya too naqboytit le faaris-gaariirak temeggeeh, faaris amot tan qaskar Yarusalaam magaalah culmah afal soolan.

Ermiyaas 10:22

Toh too tiya'mmay, away xaagi yemeeteh yanik oobbeyay! Kilbat le kabuk kaxxa waxxaqa kee deero aba mari yamaate iyyaana'mmay too mari yamaatu waa waqdi, Yuudâ-magaalooli bacarih gacissa heelon. Oson elle sugen arac wakri guub akkele» 'yaanam keenik exce.

Ermiyaas 10:25

Abta bagcarra koo aqbude waah koo cine maral gacis. Too mari neey ku mara kinnihiyya qideeh nee sele mara kinnon; baaxo nek abur aben» 'yaanam exce.

Ermiyaas 13:20

YALLI iyyemii, «Yarusalaam maraw, wagitay! Naqboytit kilbat le kabuk siinit tamaate. Amo elle muquk sugten mari, a saaku maca abe? Sin maray kaxxam edde akkaluk sugteenihiyya anke gexe?

Ermiyaas 25:28

Kobbaaya gabak kok tabse cinnaay, «Manaaquba» kok iyyeenik, tonnal keenik intamaa, «YALLAY Nabaamak Nabahiyya, ‹Maabinay uquba.

Ermiyaas 25:9

kilbatak sinam baaheyyooh, Baabelon malikiy migaaqah Nabkadnessar deqsitaah yi naqasuh yanihiyya siinit ruubeyyo. Ta mara bahha heeh, a baaxo kee a baaxol yan mara kee dariifal yan marat inkih ruubeyyo. Keenit tekkem yabalu waa mari hagga axcele. Buruten maray baaxot qideenihiyya ken abeyyo. Sarrah akak ugute waan baatih ken bayseyyo. Tahat yabtam yoo YALLA› iyye.

Ermiyaas 33:10

YALLI qagissa heeh, iyyeemih, «Ummat intaamah, ‹A baaxo bacarih tan baaxoy num kee lac elle deedaltahiyya tekkeh tan› 'yaanam iyyan. Toh keenik numma. Yuudâ-magaalooli kee Yarusalaam gititte sinaamak nummah foyyah raqteeh, lac kee num addal akak maraaqinna. Takkay immay ahak sarra,

Ermiyaas 34:1

Baabelon malikiy migaaqah Nabkadnessar deqsitak yenehiyya, isi qaskar kee usuk amol akak raqqa 'ya doolatwah qaskar haysitta heeh, Yarusalaam magaala kee tet dariifal tan magaaloolit qeebi abak yen saaku, YALLI Ermiyaasal qangara oobise. Kaak iyyeemih,

Ermiyaas 34:22

Yarusalaamat nammayhaytô qeebi abaana'gidih, uduura keenik axceyyooh; too waqdi aduureloonuuh, qeebi teetit abelon. Qeebit tet abbixeloonuuh, tet carriselon. Yuudâ-magaalooli bacarih tan baaxoy num sinniih lac sinni abeyyo. Tahat yabtam yoo YALLA› 'yaanam keenik inxic» iyye.

Ermiyaas 39:3

Yarusalaam-magaala tibbixsime waqdi, Baabelon-malikih-qaskarak kaxxa abbobtih yen mari inkih, Fanti-Afa deqsita aracal daffeen. Tokkel daffeytem, Nergal-Sarexer deqsita num kee Samgar-Nabo deqsita num kee Sarsakim deqsita num kee, gersi Nergal-Sarexer deqsita numuy doolatat kaxxa arac lehiyya edde yen.

Ermiyaas 4:16

Baaxoh ummatak inkih, «Naqboytit xer baaxok tamaateh tan» inxica. Yarusalaam-marak, «Yamaatu waa naqboytit tirtirisak amaateloonuuh Yuudâ-magaaloolit inkih maro heelon» inxica.

Ermiyaas 4:6

‹Asta fayya haa! Siyon qale fanah sissikuk kuda. Wadir mafkuninay isillima. Muudurrutinay kilbat le kabuk baatiy ummat seltu waytahiyya ruubam faxak xayuk isillima› keenik inxica.

Ermiyaas 43:10

Too waqdi keenik intaamah, ‹YALLAY Nabaamak Nabah, Israayil doore Dagelta kinnihiyya iyyamaa: Baabelon-malikiy yi taama abahiyya tama baaxo fan baaheyyo siinik iyya› keenik inxic. ‹Baabelon-malik, anu away dageeh, xeet addat akak ubkune aracal isi korsi haysiteleeh, kay siraq tama'kkel gacele.

Ermiyaas 44:6

Tonna leemiik kaxxa naqbi yot heeh; too naqbi Yuudâ-magaalooli kee Yarusalaam bayseeh; ta saaku akah tablen innah, num sinniih lac sinni abuuruh raqte› keenik inxic.

Ermiyaas 46:24

Masri mari qaybit radele. Kilbat le kabuk yemeete mari qeebil keenik aysele. Tahat yabtam yoo YALLA kinni» 'yaanam iyye.

Ermiyaas 5:15

Tonna leemiik YALLI siinik iyyaamah, «Israayil maraw, qeebi siinit abaana'gidih doolat xer baaxok siinit ruubeyyo. Too doolat dumaak sugte doolataay; isin cayla akah geytan doolat hinna. Af keenik kaadu mataaxigan.

Ermiyaas 6:22

YALLIH qangara yol obteeh yok iyyemii: «Kilbat le kabuk xer baaxok qeebih tamaatu wayta agirwa gitat tan.

Ermiyaas 9:11

YALLI yok iyyemii, «Yarusalaam yiddigille abur abeyyo. Wakri dabaq tet abeyyo. Yuudâ-magaalooli abuuruy num sinniih lac sinnihiyya abeyyo» 'yaanam iyye.

Yacedkel 32:30

«Saydâ mara kee kilbat le kabut raqta abbobti inkih kaadu wokkel tan. Duma sahdat cunxo qidak yenen. A saakuh tu gactek, diini-maleelah rabeenih; carbit rabe mara lih akeera isinni qaybi xagarat luk gexen. Akeeral yan marat tikka 'ye qaybi keenit yekke.

Ayyuqel 2:20

Kilbatak yamaate naqboyta siinik waaseyyo. Too macaxuk garab bacarih tan baaxo fanah siinik xiiriyeyyo. Foocat yan macaxu Rabe Badat qideyyooh, salafti macaxu Maditraaniyah badat qideyyooh; barugi keenik baaxo abcisele. Macaxi gibdim siinil baaheemih sabbatah, anu ken bayseyyo» iyye.

Zakariyya 6:6

Woo data faaris beyta gaari kilbat fan gexxaah; qado faaris beyta gaari ayrô-culma fan gexxa. Gayrin faaris beyta gaari gabbi-qaxat raqta baaxo fanah gexxa» yok iyye.