Ermiyaas 1:1 - NABUWWA KEE MALIKWA

¹ A kitaabal tanim, Benyam rasuk Qanatot deqsitta magaalal dabqah yen Ermiyaas edde yaabe yaaba. Ermiyaas-abba sek Cilkiyya deqsita numuk ten. Too num dabqah elle yenem kaadu, seeka elle sugte Qanatot magaalak ten.

Ermiyaas 1:1 ပူးပေါင်းရင်းမြစ်များ

1 Malikwa 2:26

Tohuk wadir Suleeman sek Abiyataarak iyyeemih, «Ahaysa Qanatotul geytinta isi buxah gex! Rabi kol amaatuk yene'mmay, yi abba lih ten saaku, gibdaabina kaa'lih tubleeh, YALLAY mulki lehiyyah Qahdih Sandug akkaquk sugte. Tohih sabbatah away koo maqida» kaak iyye.

1 Aydaad 6:60

Wohuk kalah kaadu Benyam-kedo luk sugte baaxol, Gabaq kee tet dariifal tan lacti malaalah baaxo kee, Qalemet kee tet dariifal tan lacti malaalah baaxo kee, Qanatot kee tet dariifal tan lacti malaalah baaxo keenih yeceen. Sittat taban kee sidoc takke magaalooli Haaruunuk rade marah yeceen.

2 Aydaad 35:25

Nabi Ermiyaas nadaamah yan qadar kaah abe. Tohuk wadir Israayil rasul kaah rookitan saaku, agabu kee labha a qadar edde haytam qaadah haysitteh raqte. Woo qadar, rookâ-qadar elle gaaboysan kitaabal geytima.

2 Aydaad 36:12

Too num kaadu YALLAY kay Dagelta kinnihiyyal dambi lem baahak sugeeh, nabi Ermiyaas kaa'lih edde yaaba YALLIH yab ankacisak mananna.

2 Aydaad 36:21

Nabi Ermiyaas iyyem tonnal tunguddube. Too nabi ah keenit akkelem duma keenih warseh suge. Iyyeemihii, «A baaxol malcina-tabanih sanatah num dabaaqah elle magacaay, baaxo affoofele» 'yaanam iyyeh yen. Tonna leemiik abak suge ween affoofiyyi yanguddube'gidih, baaxo taamak toffoofe.

Qedra 1:1

Duma Nabi Ermiyaas, «YALLI annah tanim abele» axcuk edde yaabeh sugem numma takke'gidih, Fursi-malikiy Kooris deqsitahiyya edde dardaare naharsitto sanatat, isi baaxol enna 'ya marah farmo warsaana'gidih, sinam ruubeeh; kaadu warkatal too farmo yuktubeh ruube. Toh abaamih fayxi kaat haytem YALLA.

Yasaqya 1:1

A kitaabal tanim, Yuudâ-rasu kee Yarusalaam magaalal tan ummattah Yalli, Amóx-Yasaqya le kabuk ruube wacyi. Yalli a farmo ruubem, Quddiyya kee Yootamaay, Acad kee Ciskiyyaahu deqsita mari malikwah suge dabaana.

Yasaqya 10:30

Gallim magaalah maraw, deero aba. Laysah maraw, ankacisa. Woyyow, Qanatot maraw!

Yasaqya 2:1

Aham, Yalli Yarusalaam kee Yuudâ-rasih giddinaamak Amóx-Yasaqyah-gabat ruube farmo. Too farmo intaamah:

Ermiyaas 11:21

Too waqdi YALLAY Nabaamak Nabahiyya yok iyyemii, «Qanatot mari koo qidam faxaah, ‹YALLIH migaaqal tu neh warissek koo qidenno› iyyaana'mmay, anu keenik abu waam ah teeti. ‹Tahah anu ken digaaleyyooh, furrayna keenik carbit seleyyo. Qunxa urru keenik qululuh qideyyo.

Ermiyaas 29:27

Hay, tonnah tanim, Anaatot magaalal yooboke Ermiyaasay ummat foocal nabi is celsiisak yaabak sugehiyyak, macah abe wayteeh?

Ermiyaas 30:1

YALLI Ermiyaasal oobise qangara ah teeti.

Ermiyaas 37:12

Too waqdi Ermiyaas Yarusalaam magaalak Benyam rasu fan gexam qimbise. Akah gexem, kay buxah-marih nagrak kaa raddam beeta'gidik ten.

Yacedkel 1:3

YALLIH qangara yol obteeh; YALLI yo'lih yaabe waqdi, kay yab oobbeh, kay qande yoh tumbulle.

Daaniyel 9:2

Usuk edde reede naharsi sanatat, anu taahirik tan kitooba akrayuk, Yarusalaam abuuruh edde raqtu waytaamay YALLI nabi Ermiyaas lih edde yaabeh sugehiyyah acsubuk suge. Abuuruh malcina-tabanih sanat sugtu waytam uble.

Qaamus 1:1

Ah Qaamus maxco. Qaamus Takooqa deqsitta magaalal yan saqi marih fanat suge numu. Yalli, Israayilih takku waytam elle warse wacyi kaal oobisem, woo baaxol baaxoh angoyyi yakkeemik naharat namma sanatak ten. Too dabaanal Quddiyya Yuudâ-rasul malikih sugeeh; Israayil rasul kaadu Yahoqás-Yarobqam malikih suge.

Qaamus 7:10

Too waqdi Beetal magaalal kaxxa seekih yen Amaxya deqsita num, Israayil malikiy Yarobqam deqsitahiyyah farmo ruube. Farmoh kaah ruubemii, «Qaamus akak iyyan num Israayil marih addat gacca 'yeh, kok abu waamih malat yan. Kay yaabat ummat aylahitta 'teh baaxo baatam faxxa.