Daaniyel 9:9 - NABUWWA KEE MALIKWA

^9-10 Yallaw, ni Goytaw, koo cinneh ku nabuwway ku naqoosah tanihiyya Yallih xintol eemena axcuk ne'lih yabte yab oggole cinneh immay, atu racmatta kee qafu le Dagelta kinnito.

Daaniyel 9:9 ပူးပေါင်းရင်းမြစ်များ

2 Samuwel 24:14

Too waqdi Dawud iyyeemih, «Anu taway tu edde ceda caalatat anih maana'mmay, sahda yoo digaaltaamak YALLI isi gabat yoo digalsitay. Toh akah axcem, kaxxa racmatta le Dagelta kinnim kaak aaxigeemih axce» iyye.

1 Malikwa 8:30

Yooy ku naqasuh yanihiyya kee ku mara ta Qibaadah-Qari fan ufkunna inneh abna dooqa nek raabit. Qaraanay ku dabqih yanihiyyak ni kallaci oobbeyaay, abne dambih qafu neh ab.

Nacmiya 9:31

Ku racmatta caddo maliiy, tohuk gexxaamah darre keenit macabinnitooy, bayi ken mahannito. Kaxxa maqaane kee racmatta le Dagelta kinnito.

Yasaqya 55:7

Umeynit edde yanin uma gitak yaduuroonay; baguh yacsuben umaane caboonay. YALLA kinni ni Dageltal yaduuroonay. Toh abeenik, keenih racmateleeh, qafu keenih abele.

Yasaqya 63:7

YALLIH kacanuy amurruqe waat walalu waa. YALLI neh abeemiy fayla kaa akah taguude warseyyo. Israayil ummattah kaxxa maqaane abe. Toh akah abem, isi racmatta kee amurruqe sinni kacanih sabbata.

Ermiyaas 14:7

Ummatta too waqdi intemii: «Dambik toobinnek sarra, edde qagamqagitak sugne. Tohuk gexxaamah dambi nee yabbixem naaxigeh immay, YALLAW, isi nabnah taagah neh cab.

Yacedkel 20:13

Keenih tu gactek, bacarih tan baaxol sugen saaku kinni-way, anu aba keenik axcem cinak sugen. Yi amri kee yi xintoy duuduse marah waar teceehiyya cinak sugen. Sabti ayro xaguraanam inkinnah cineenih sugen. Tonna-leemiik too saaku yi naqbi le'nna ken aybulleem faxxa heeh, too bacarih tan baaxol elle ken baysam faxeh suge.

Daaniyel 9:5

Nanu dambi le taamat asneh, mako lem bahne. Umam abneh nan. Koo cinneh, atu nek aba intem abnu cinneeh, gitak taniimiy atu nee tuybulleehiyya maaqilleh.

Daaniyel 9:6

Ku migaaqal yabte nabuwway ku naqoosah tanihiyya, ni malikwaay ni miracwa kee ni kaxxa abbobtiiy ni ummattah inkih warissem cinneh.

Daaniyel 9:7

Goytaw, atu kulli way cakkik tanim abta. Neh tu gactek, nanu kulli way qaybih aninnaanim ninnil bahna. Neey Yuudah yooboke mara kee Yarusalaam mara kee, tonnah kaadu, inkih yan Israayil maray xayi'kke kee xer ikkel yanihiyyay ko'luk yen imaan cabeemih sabbatah atu baaxot fixixih rubtehiyyak inkih, qaybit radnam numma.

Daaniyel 9:8

YALLAW, nee kee ni malikwaay ni miracwa kee ni kaxxa abbobti dambi lem kol bahneemih sabbatah, edde nanim wacarriyi.

Yoonas 4:2

Tohuk gexxaamah YALLA fan dooqa abe. Dooqah iyyemii, «YALLAW, anu ku farmo gabat luk buxak ugte saaku, ah abtu waytaamih cunxoh inni bagul luk suge. Isbaaniya baaxo akah kudem tohu. Atu kulli way maqaane kee racmatta le Dagelta kinnitom kok aaxigeh. Dagoomut mabagcarritaay digaalat matasissikaay kaxxa kacanu taybullee. Sahda abta umaanek sahdah qafu aba Dagelta kinnitom kok aaxigeh.