Daaniyel 9:7 - NABUWWA KEE MALIKWA

⁷ Goytaw, atu kulli way cakkik tanim abta. Neh tu gactek, nanu kulli way qaybih aninnaanim ninnil bahna. Neey Yuudah yooboke mara kee Yarusalaam mara kee, tonnah kaadu, inkih yan Israayil maray xayi'kke kee xer ikkel yanihiyyay ko'luk yen imaan cabeemih sabbatah atu baaxot fixixih rubtehiyyak inkih, qaybit radnam numma.

Daaniyel 9:7 ပူးပေါင်းရင်းမြစ်များ

Qedra 9:13

Ni Dageltaw, abneh nan kaxxa dambi kee umaanek gexxaamah, digaala net tekkek sarra kinni way, ni umaane takkeh gidel nee madigaalinnitooy, baye marak saaboh sinam cabte.

Qedra 9:15

YALLAY Israayil ummatta doorehiyyaw, qadli lem kooy; tonna'mmay ta saaku fan abne umaaneh saabo nee macabsiisinnito. Abba hayne umaane ninnik away qaddosnah nan. Ku foocah elle namaate inna mannu» 'yaanam exce.

Nacmiya 9:33

Nee digaalte waqdi, cakkih tan digaala net abte. Atu kulliimil digga lito'mmay, nanu umam abne.

Yasaqya 11:11

Too ayro YALLI qagisak isi-qandet isi-maray baatik-saaboh-raaqehiyya le baaxol gacsele. Assuuriya kee Masriiy; Fatros deqsita aracay Masrik gabbi-qaxat raaqahiyya kee Kuusuuy; Qeelam kee Baabelon baaxooy; Camat kee baddi dariifal tan baaxooxak ken baahele.

Yasaqya 45:16

Xeet kee cooxuk yaqbuden duyye bicsa mari ahat wacarriyak maacisele. Yakkeenimiik qaybit radelon.

Ermiyaas 12:1

Inni Dagelta lih yaabeeh excemii: «YALLAW, qadaalat le Dagelta kinnito. Yi Dageltaw, yot tekkem ku amol haysitu waa; qadaalat le cokmi yoh abettom aaxigeeh, mawaagisa'mmay, atu qadaalat elle abta'nnak uxih cede weemiy koo esseram faxa liyo. Uma-qamal-leela gaddaloola akah tekkem macaay? Aamanti sinni maral kullim akah bictam macaay?

Ermiyaas 23:6

Kay dabaanal Yuudâ-mari waddiimeleeh, Israayil-mari amaanah xiinele. Too malikiy yamaatu waahiyya migaaqah, ‹YALLAY Cakki neh Yekke› deqsitele» iyye.

Ermiyaas 24:9

Baadal enna 'ya mari keenit tekkem yaabbu waa waqdi, kaxxa wariggah wariggitelon. Sinam elle tasuule mara ken abeyyo. Anu ken baadisu waa baaxol, sinam ken migaq xagak gersi mara bursutele. Titta abaara mari, «Woo marat tekkem siinit takkay» axcuk abaaroh ken haysiteloonuh, keenit tekkem missila akkele.

Ermiyaas 3:25

Nee kee ni kaxxa abbobti, YALLAY ni Dageltah yanihiyyah amri dumaak cinak sugne. Qunxaanek xabba haanamaay a saakuh amma 'yaanam, YALLAY ni Dageltah yanihiyyal dambi lem bahne. Abne qaybi nee yabbaxay; edde asne qaybi, sartan gurrah, xagar nek buulay› 'yaanam axcih oobbe» iyye.

Ermiyaas 32:32

Tohut akah emeetem, Israayil kee Yuudâ maraay, ken malikwa kee keenik saqoltih yan maraay, ken seeka kee oson nabuwwah lon mara kee, Yarusalaam magaalah mari abah yan umaane.

Ermiyaas 33:16

Too saaku Yuudâ-mari waddiimeleeh, Yarusalaam magaalal yan mari amaanah xiinele. Yarusalaam magaala migaaqah too saaku, ‹YALLAY Cakki neh Yekke› 'yaanam deqsitele.

Ermiyaas 4:17

Cal uma awur yasguudeenim faxan waqdi, yabbixoonuh elle maraasiyan innal, Yarusalaam marot heelon. Yuudâ-marat toh akah takku waytam, yoo cineeniih yi amri cineenimih sabbata. Tah intam yoo YALLA.

Ermiyaas 7:19

Nummah umam elle baahaanam, isinni nabsi'kkal, yoo hinna. Tahamat wacarriyelon» yok iyye.

Yacedkel 36:31

Isinni uma-qamal kee qellatay edde asak sugteenihiyya siinih ambulleele. Too waqdi abak sugten dambi kee ceele-waytoy edde sugteenihiyyak gexxaamah, isinni nabsi inqibba heetton.

Yacedkel 5:10

Yarusalaamey, anu kot abu waa digaalah, xaleena xayloh-cado akmeleeh; xaylo xaleenah-cado akmele. Too bis le kaxxa digaalah sin digaaleyyooh; wohuk raaqe mara fixixih kulli kabul ruubeyyo.

Yacedkel 6:12

Allal yan mari keenik dalkah ambaxele. Xayi'kkel yan mari carbit keenik ambaxele. Tohuk raqtem qululuh ambaxele. Tonnal yi naqbi le'nna ablelon.

Daaniyel 9:14

YALLAW, ni Dageltaw, ni digaalah bical gacteeh, kulli way cakkik tanim abtaamih sabbatah, nee digaalteh. Nanu atu aba intem cinneh.

Daaniyel 9:18

Yi Dageltaw, ayti yoh ucuyaay axcem yok oobbey! Nanu edde nan gadaama ubul! Ku magaalay abuuruh raqtahiyya wagit. Nanu koo akah kallacnam, cakki bagul yan mara nekkek sah hinnay, atu racmatta le Dagelta tekkek sah koo kallacna.

Daaniyel 9:8

YALLAW, nee kee ni malikwaay ni miracwa kee ni kaxxa abbobti dambi lem kol bahneemih sabbatah, edde nanim wacarriyi.

Qaamus 9:9

Israayil mara yanfiyen daroh innah ken anfiyeyyo. Marin marih addat ken fixixise waqdi, ken addak uma mara ayyaaqeyyo.