Daaniyel 9:25 - NABUWWA KEE MALIKWA

²⁵ Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.

Daaniyel 9:25 ပူးပေါင်းရင်းမြစ်များ

2 Samuwel 15:25

Tohuk lakal malik Saadukuk iyyemii, «Qahdi-Sandug magaala fan gacis. YALLI meqem yoh faxek, tet able'gidih is elle yok raqta arac ayrok teena yoo gacsele.

Qedra 4:24

Yallih-Qarih-xisne kaadu fanal teedeeh, Fursi-malikiy migaaqah Daryawes deqsitahiyya edde dardaare nammayhaytô sanat fan, xisne akak elle yeyseeden aracal elle teedeeh sugte.

Qedra 7:1

Aham tekkeemih mango sanat suggu 'yeenik lakal, Artacsasta Fursi-malik edde yekke dabaanal, Qedra deqsita num yen. Too num akak radem, kaxxa seekih yen Haaruunu. Qedrah abba Seraaya deqsitak yen. Seraayah abba Qadarya deqsita numuk ten. Qadaryah abba Cilkiyya deqsita numuk ten.

Qedra 7:8

Qedra too mara luk, sanatak naharsi alsak naharsi ayrot Baabelon rasuk gexoh ugte. Safaral Yalli ken cateemih sabbatah, konoyhaytoh alsak naharsi ayrot Yarusalaam magaala gufen.

Nacmiya 3:1

Magaalak gasoosa elle xisnem annak ten. Eliyaasib deqsita num kee kaal luk tan seeka taama qimbisak, Illi-Afa deqsitta afa xisen. Too afah xisnek gaba kalen saaku, afa Yallah taahirroyseeniih; culmah alifih edde haan coox edde heen. Seeka, sahda akak yabloonuh xisen Bool-Qari deqsita qarik xabba haanamaay sahda akak yabloonuh xisen Cananal-Qari fanah amma 'yaanam, a gaso Yallah taahirroysen.

Nacmiya 4:2

Isi kataysis kee Samaariyah qaskarih foocal, «A Yahuud-gulalwa abtam macaay? A magaala nammeyhaak xiseloonum maay yakkalen? Sadgat abeenik sa inki ayrot xisnek gaba kaleloonum yakkaleeni innaa? Tittin bagul yan yiddigille xeetiy cararehiyyak gasoosa xiseloonum yakkaleeni innaa?» iyye.

Nacmiya 4:8

Tonna-leemiik Yarusalaam fan amma 'yeenih qeebi net abaanaah, ummatta akah baditta innah abaanamal malsen.

Nacmiya 6:15

Kontom kee namma ayro taama abak sugnek lakal, Alul deqsita alsak labaatanna kee konoyhaytoh ayro, inkih tan gasoh xisnek gaba kalleh.

Yasaqya 55:4

Dawud baadal-tan-ummattah yi-sumaq kaa abeeh, ummatta inkih miraacisaah ken amrisa num kaa abe.

Yasaqya 9:6

Macaay inteenik, awki neh yooboke. Baxi neh yontocowwe. Usuk abbootan gabat le. Migaaqah «Qajiibik yan Fayisi», «Nabaamak Naba Dagelta», «Waara Abba», «Amaan Yamliki» 'yaanam kaah axcelon.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.

Daaniyel 8:25

Usuk sahda ayriseleh, sahda elle ayrisinnaanim gabal kaah bicele. Kaxxam isit akkeleleh, mango maritteetah aylahu kale'kal annaak ken qidele. Kulliimik daga raaqa malikih yab kinni way cinele. Takkay immay sarrak sahdayti qande akke sinni qandeh gabat bayele.

Daaniyel 9:23

Atu Yalla kallactam qimbisse waqdi, Yalli woo kallaci koh oggoleh. Yalli kaxxam koo kicnah; tonna leemiik anu away atu abte dooqa Yalli kok oggolem koh warsa'gidih emeete. Taway Yalli Ermiyaas yuybulleemik maqna koh warseyyo'mmay, nagay yoo ankacis.

Miika 5:1

Yarusalaamey, qaskarak litom qeebih bical haa. Edde nee yabbixeenim marooy; Israayil malik caxxat yaaguren.

Miika 5:2

YALLI iyyeemih, «Beetlacam Efratey, Yuudâ-rasul tan magaaloolik inkih qunxa magaala kinnito. Takkay immay Israayil ummat xiinisu waa abba ku addak ayyaaqeyyo. Kay samad dumaak ugteeh, dumî-dabaanaak migaq-gexxo le marak ten» iyye.