Daaniyel 9:24 - NABUWWA KEE MALIKWA

²⁴ Ku magaalay taahirik tani kee ku ummattah, waktik malcina-tabanih waqdi malciin-gide keenih yeexege. Too waktih addat Yalli aben umaane kaleleh, dambi cabeleh, amri-cinak qafu abele. Tonnah kaadu, way kate sinni qadli gaceleeh; yublen suwaawur kee akkele akak inxicca 'yeenim inkih nummak maaciseleeh; taahirik tanim askutelon.

Daaniyel 9:24 ပူးပေါင်းရင်းမြစ်များ

2 Aydaad 29:24

Too waqdi seeka woo wadar tusguudeh. Malik, «Cararisan sadgat kee dambi-kaloot-sadgat Israayil marah inkih aba» 'yaanam iyyeemih sabbatah, woo wadarih qabala woo sadgat elle aban aracal caxen.

Yasaqya 42:4

«Inkih yan baadal qadaalat nookisaah daabisam fanah, kay niya mataddigila; way madaacta, mabaxaqta. Allahî-mari kinni-way, kay afak tawqe baritto geyoonu qambaalitelon» iyye.

Yasaqya 51:6

Qaran wagga haay, baaxo kaadu lilla haay. Qaran qerti innah bayele; baaxo, udurrutte saroh innah, ambaxele. Tet bagul yan mari kaaqay innah ambaxele. Takkay immay anu baaha wadi waarele; yi qadaalat daayiman anele.

Yasaqya 51:8

Macaay inteenik, toh siinik aba mari irimbi tokme saroh gideey, addak yonkomme mara. Yok geytoonu waytan wadi mayambaxaay, waara wadu; yok geytoonu waytan qadaalat, daayiman yan qadaalata» 'yaanam iyye.

Yasaqya 56:1

YALLI iyyaamah, «Yi qadaalat elle yan inna tabloonu waytaanah, sin edde catu waa wakti xayiimih sabbatah, qadaalatat taamitaay cakkik tanim aba.

Yasaqya 61:1

Masaakiinah yayse-xaagu warsa'gidih YALLAY Mulki le yoo dooreh isi Roocaaniyya yot hee. Tonna luk niya akak tiddigille mara niya haa'gidiiy seewah been marak curri aba'gidiiy casbit yan mara casbik ayyaaquuy YALLI yoo dooreeh farmoh yoo ruube.

Yacedkel 28:12

«Bani-adantow, darraqah takke boogey Suur-malikih abu waahiyya ah teeti. Kaak intaamah: YALLAY Mulki lehiyya iyyaamah, ‹Dudda le mara elle yaaxigen numuh ten. Kas kee qaxa kok bisoh gexak mananna.

Yacedkel 4:6

Tohuk gaba kalta saaku kaadu aki tattabah gacettooh; Yuudâ-mari baahe baatilih morootom ayro biyaakat sugetto. Sanootak ken digaalu waah gide ayrok digaalah kol gacele.

Zakariyya 4:14

«Tamah, Yallay inkih yan baadak amoytah yanihiyya uskuttu heeh doore namma numuy kaa takdumu waytahiyya» iyye.