Daaniyel 8:5 - NABUWWA KEE MALIKWA

⁵ «Taham kinniimih waagat an waqdi, ayrô-culma le kabuk kaxxam yarde dabeeli, inkih tan baaxooxal tabak yemeete'mmay, abah yan kaxxa ardak gexxaamah ibi kaak baaxo xagak mananna. Namma inti-fanat kaxxam giffa 'ta gaysa luk yen.

Daaniyel 8:5 ပူးပေါင်းရင်းမြစ်များ

Daaniyel 11:3

Tohuk lakal agiruh yan malik amaatele. Too malik kaxxam naba abbootan luk sugeleeh; isih faxxa heem abele.

Daaniyel 2:32

Amo akak nabam meqe dahabak bicseenih yenen. Alil kee gaboobi akak lakqok bicseenih yenen. Axca kee mayxay akak nacaasak bicseenih yenen.

Daaniyel 2:39

«Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 7:6

«Anu too alih wagittot an waqdi, gersi ali yemeete. Woo ali kabqi ceelak yen. Buucusul kimbir galwa celtaamak fereey luk yen. Affara moyya luk yen. Abbootan too alah yontocowwe.

Daaniyel 8:21

Dabeelak maqna Giriik baaxoh abbootan 'yaanama. Kay namma intih fanak tewqe gaysay gersi gaysoosik giffa 'tahiyya keenik naharsi maliki.

Daaniyel 8:6

Woo dabeeli weeqayti-xaqul-soolah-uble-maruyuy namma gayse luk suge fan quuruk leemiik ardih uble. Sarrak woo maruwut qeebi abah kaa uble.

Daaniyel 8:8

Taaxige dabeeli tohuk lakal kaxxiinah lafitak lafte. Usuk qande baahak elle baahaamal, gaysa kaak tiddigilleh. Too gaysa akak tiddigille aracat kulsa le gaysoosi tooboke. Too affara gaysak tiyaay kabul afkanuk ten.