Daaniyel 8:3 - NABUWWA KEE MALIKWA

³ Wagga hee waqdi, woo weeqaytih qaxal maruw soolah uble. Too maruw namma gaysay xeerihiyya luk yen. Woo namma gaysak tiyak teena xexxar kee qusbaaneh akittok lafitak ten.

Daaniyel 8:3 ပူးပေါင်းရင်းမြစ်များ

1 Aydaad 21:16

Dawud YALLIH malaykattuy qaran kee baaxok fanat gabat seef luk soolahiyya yuble. Malaykatti too waqdi Yarusalaam magaala baysam faxak yen. Dawud a malaykattu yuble waqdi, kaa kee Israayil makaabon xagaral *qabuudut gacca 'yeenih baaxok bagul qansa baaxo keenik xagtam fanah gommoh raden.

Qedra 1:2

Too warkat axcuk yeneemih, «A warkatal yan amri taceem, yooy Kooris migaq leeh, Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee.

Qedra 4:5

Fursih doolatih abbobti a taama abe ken akah kalta'nnah, guqul keenih yeceen. Kooris kee Daryawes dardaarinnih waktil, oson elle ackamuk sugen baaxol abbobtih suggu 'ye marah guqul acayuk, a qarih xisok ken elle yayseeden malat gacen.

Aster 1:3

Too malik edde dardaare sidochaytô sanatat, qaffaydah kay gubal doolat-taamak-saqoltih yan mara kee, xintoh-abbobtih yan marah inkih kaxxa xigla abe. Too xiglah Fursi-rasu kee Meediyah-rasul tan qaskar kee, rakaakayittel xintok abbobti kee muddaqiyitte inkih temeete.

Yasaqya 13:17

YALLI kaadu iyyeemih, «Baabelon yabbixeeni'gidih, Meediyah-maray lakqot tu wee waah dahab yeceenimih ayra oggole waahiyya keenit ruubeyyo.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 44:28

Kooris deqsita numih giddinaamak, ‹Usuk yi aftok baaxo xiinisele› 'yaanam axce. ‹Anu aba kaak axcem abele. Yarusalaam magaala nammayhaak akah xissinta innah amri aceele. Yallih Qibaadah-Qarih-rakiibo xisele› 'yaanam axce» iyye.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Daaniyel 10:5

Wonnah wagga hee waqdi, *baftak bicsen meqe-sarot sartanah yan numuy agle sinni dahabak bicsen qarum bagul lehiyya uble.

Daaniyel 2:39

«Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 5:31

Daryawesiy Meediyah yoobokeh barak lactam kee nammayat yenehiyya, kay aracal gaceh Baabelon-baaxoh-malik yekke.

Daaniyel 6:28

Daaniyel, Daryawes kee Koorisiy Fursih yooboke dardaarinni-dabaanal, kullim gabal akak bicta num yekke.

Daaniyel 7:5

«Aki ali yemeeteeh; woo ali uma-alay sahda qidahiyya ceelak yeneeh; salafah daffeyak yen. Too ali masangalê-lafoofuk sidoc afat luk yen. Too waqdi too alak, ‹Ugutay cadok dudda haytah gide akum› kaak iyyen.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

Daaniyel 8:20

Woo tuble maruyuy namma gaysa luk yenehiyyak maqna Meediya kee Fursih marih xinto.

Zakariyya 1:18

Tohuk kalah gersi wacyi ubleeh; tohuu, awur gaysoosi fereey takke.

Zakariyya 2:1

Tohuk lakal annah wagga hee waqdi, baaxo edde yamittiren akat gabat le num uble.

Zakariyya 5:1

Kaadu wagga hee waqdi, xambabbaqut tan warkat qaraanak bagul caacay beyah uble.

Zakariyya 5:5

Malaykatti kaadu qagteh yoh yumbulleeh, «Ama tamaatem maay table?» yok iyye.

Zakariyya 5:9

Dagah wagga hee waqdi, namma barray caacay gutqot haadak yi fanah tamaatehiyya uble. Too namma barra qande le galway koxxali galwah gurral tanihiyya luk ten. Sarrak kafaq ukkuqqu heenih luk haaden.

Zakariyya 6:1

Tohuk lakal kaadu gersi wacyi yoh yumbulle. Namma qaley nacaasak bicseenihiyyak fan fan, affara faras-gaariy tamaatehiyya uble.

Yoosuwa 5:13

Ayrok teena Yoosuwa Yerikô-magaalak xayih yan aracal yan waqdi, garciik seef gabat le num isik foocal soolah yuble. Too waqdi Yoosuwa kaal yemeeteeh, «Atu ni qaskarih num kinnitoo, ni naqboytiitih num kinnito?» kaak iyye.