Daaniyel 8:27 - NABUWWA KEE MALIKWA

²⁷ Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.

Daaniyel 8:27 ပူးပေါင်းရင်းမြစ်များ

Daaniyel 10:16

Sarrak sahdayti ceelo luk yen malaykatti sokto gabah yok xageeh; too waqdi yaabam duudeh. Foocal yok soolak suge malaykattuk exceemih, ‹Yi goytaw, a wacyiy ublehiyya kaxxam yoo biyaakeemih sabbatah boolaateh an.

Daaniyel 10:8

Tonna leemiik anu tokkel ta suwaawur innah taniimiy qajiibik tanihiyya wagitak dibuk elle raaqe. Boolaateh, qande luk maraaqiyyo. Fooci yok gombod ceelot gace.

Daaniyel 4:19

Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 5:14

Qagseh kaadu kaak iyyemii, «Yallittê-roocaaniyya kot taniih, atu duddaay ixxiga kee kas lito 'yaanam oobbe.

Daaniyel 7:28

«Ublem tama gide. Tohuk lakal anu innih kaxxam meysiteeh, fooci yok burraaciteh. Ubulla heem inkih baguh raaqise.»

Daaniyel 8:17

Too waqdi Jibriil yemeeteh, xaqut yok soole. Anu too waqdi kaxxam wariggiteeh, baaxol gommoh rade. Jibriil too waqdi yok iyyeemih, «Atu cagal bani-adantu kinnito'mmay, ahamak maqna ixig. A soono edde yabtam, ellecabô-wakti» iyye.

Daaniyel 8:2

Soonoh ubleemih: Anu innih Qeelam baddak Suusa deqsitta magaalay gaso maroh edde tanihiyyah addal, Uulay deqsita weeqaytih garil soolak suge.

Daaniyel 8:7

A dabeeli kaxxam bagcarriteeh, maruw ingiqqi heeh namma gaysa kaak yiggileh. Maruw woo dabeelat edde koysita qande luk manannaay; dabeeli baaxok bagul kaa qideh amot taqqa kaak iyye. Too waqdi a maruw a dabeelak is cattam magenna.

Cabakkuk 3:16

Tah oobbe way yi Dageltaw, axaxiteeh, kumkummateh. Sokaati yok axaxitteh; ibi yok kadiidimiteh; ariiqo yok axaxitteh. Nel umaane baaha mara, neh digaalla haytam fanah, asbireyyooh, qambaaleyyo.

1 Samuwel 3:15

Tohuk wadir, Samuwel maaca fan inaaqitak suge. Sarrak ugutta 'yeh, YALLIH Qibaadah-Qarik afa fakeh. Samuwel woo yuble wacyi Qelih warsaamak meysiteh.