Daaniyel 8:25 - NABUWWA KEE MALIKWA

²⁵ Usuk sahda ayriseleh, sahda elle ayrisinnaanim gabal kaah bicele. Kaxxam isit akkeleleh, mango maritteetah aylahu kale'kal annaak ken qidele. Kulliimik daga raaqa malikih yab kinni way cinele. Takkay immay sarrak sahdayti qande akke sinni qandeh gabat bayele.

Daaniyel 8:25 ပူးပေါင်းရင်းမြစ်များ

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Daaniyel 11:12

Too waqdi woo marak abeh yan iisak gexxaamah kaxxiina baaheleeh; mango alfitte takke qaskar qidele. Takkay immay tohuk wadir iisa geyak maraaqa.

Daaniyel 11:45

Usuk isi kaxxa sirooqa bad kee taahirik tan qaley qaxmeqehiyyak fanal heele. Ellecabol rabele'mmay, rabak num kaa macata› yok iyye.

Daaniyel 7:26

Sarrak qaraanal tan cokmih buxal cokmi yakke'gidih daffeyna heelon. Too daffeynal usuk luk suge qande kaak beeloonuuh inkitanuuk kaa bayselon.

Daaniyel 7:8

«Anu woo gaysoosi kaxxam wagitak suge waqdi, qunxa gaysa keenik addak awaqih uble. Too gaysa arac geyta'gidih, duma sugte gaysoosik sidoc buxuxuk yeyyeeqen. Too gaysa sahdayti intiita kee af luk ten. Afak hida ceela yaabat yaabak ten.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.

Daaniyel 9:25

Taaxigem meqemii, Yarusalaam nammayhaak xisoonuuy, elle sugte'nnal tet gacsoonuh amri yeceenim kee, Yalli doore mirac yamaateemik fanat, waktik malcina waqdi malciin-gide kee, lactam kee namma waqdi malciin-gide tatrele. Gititte kee qande le megdeb luk tet xiseloonuh immay too waktil kaxxa gadaama akkele.