Daaniyel 8:21 - NABUWWA KEE MALIKWA

²¹ Dabeelak maqna Giriik baaxoh abbootan 'yaanama. Kay namma intih fanak tewqe gaysay gersi gaysoosik giffa 'tahiyya keenik naharsi maliki.

Daaniyel 8:21 ပူးပေါင်းရင်းမြစ်များ

Daaniyel 10:20

«Usukuuy, ‹Anu koo fan akah emeetem maay taaxige? Woo Nummâ-Kitaabal tanim koh qaddoysa'gidi. Taway uduurra exceh, Fursih marat dacayrih yan malaykattut qeebi abeyyo. Woo malaykattuk gexa waqdi, Giriik marat dacayrih yan malaykatti amaatele. Mikaayiliy Israayil marat dacayrih yani, kalih malayka yoo macatta.

Daaniyel 11:2

Qagseh iyyeemih, ‹Anu taway koh warisu waam numma. « ‹Ahak sarra Fursi-rasul sidiica malik reedele. Keenik lakal yamaatu waa fereyhaytô-malik gaddaliinoh keenik inkih aysele. Usuk leh yan qande kee gaddaliinok gexxaamah, Giriik xintot qeebi abam faxele.

Daaniyel 11:3

Tohuk lakal agiruh yan malik amaatele. Too malik kaxxam naba abbootan luk sugeleeh; isih faxxa heem abele.

Daaniyel 2:39

«Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 7:6

«Anu too alih wagittot an waqdi, gersi ali yemeete. Woo ali kabqi ceelak yen. Buucusul kimbir galwa celtaamak fereey luk yen. Affara moyya luk yen. Abbootan too alah yontocowwe.

Daaniyel 8:20

Woo tuble maruyuy namma gaysa luk yenehiyyak maqna Meediya kee Fursih marih xinto.

Daaniyel 8:22

Woo affara gaysay naharsi gaysa tiddigille waqdi temeetehiyyak maqna, naharak sugte doolatay affara ikkel kurruntehiyya. Too doolat qandeh duma sugte doolatih innah magacta.

Zakariyya 9:13

Yuudâ mara gayse abeyyo. Israayilih yooboke mara gaysê-baxa abeyyo. Siyon-mara seef abeyyooh; Giriik-marat qeebi abelon» iyye.