Daaniyel 7:7 - NABUWWA KEE MALIKWA

⁷ «Anu tohih wagittot an waqdi, too wacyil fereyhaytoh ali yemeete. Too ali kaxxa qande luk yeneeh kaxxam akak meysitan alay cunxo sinaamat qidahiyyak ten. Kaxxa moddiiniy biriitah yanihiyyat qide mara kitif kitif heeh yokme. Sarrak wohuk raqteemik amot taqqa 'ye. Too ali gersi alluwwah inna hinna'mmay tabna gaysa luk yen.

Daaniyel 7:7 ပူးပေါင်းရင်းမြစ်များ

2 Samuwel 22:43

Bututtukka ken heeh; siisa ken celsiise. Giti-kallah innah, taqqa keenit exce.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Daaniyel 2:19

Too bar Yalli Daaniyelih too soonoh maqna wacyi gurral kaa yuybulle. Too waqdi Daaniyel qaraanal yan Yallah candu gacseeh, kaa saariseeh, iyyeemih:

Daaniyel 7:13

«Anu bar woo soonoh addat an waqdi, sahdayti-baxi ceeloh innal tanim uble. Ta sahdayti ceelot yan numuy qamburre marot tabbixe amaatih uble. Sarrak woo ‹Kulli Waqdi Yaní› wokkel sugehiyya fan gexeeh, kay foocal kaa xayyoysen.

Daaniyel 7:2

Daaniyel yuble soonot yaabeeh iyyeemih, «Bar annah wagga hee waqdi, affara gambik yamaate caacayay bad kaxxa caffo bahsiisahiyya uble.

Daaniyel 8:10

Qaraanal tan qaskar kee cutuukat qeebi edde aba qande baahe. Cutuukak tu takkem baaxol qideeh amot taqqa akak iyye.

Daaniyel 8:22

Woo affara gaysay naharsi gaysa tiddigille waqdi temeetehiyyak maqna, naharak sugte doolatay affara ikkel kurruntehiyya. Too doolat qandeh duma sugte doolatih innah magacta.

Zakariyya 2:1

Tohuk lakal annah wagga hee waqdi, baaxo edde yamittiren akat gabat le num uble.