Daaniyel 7:4 - NABUWWA KEE MALIKWA

⁴ «Naharsi ali lubak ceelak yen. Takkay immay gabilleemah innah galwa luk yen. Woo ala wagitak suge waqdi, galwa kaak kalen. Sarrak woo ala xinkiyya heeniih, too waqdi sinam innah salafti namma ibah soole. Tohuk lakal sahdayti-le-kas kaat heen.

Daaniyel 7:4 ပူးပေါင်းရင်းမြစ်များ

2 Samuwel 1:23

«Nanu Saawul kee baxi tiyat yabba innek, addunyal anuk maqaane luk sugeenih; addunyal anuk sahda ken kicinuk ten. Rabal kaadu titta lih waklisak raben. Sissikaaneh tikoh inna luk sugeeniih; maqarah kaadu lubak inna luk yenen.

Ermiyaas 25:38

YALLI, qansarite lubaakay gablah addak yewqeh innah, ken baaxot dadho abe. Kay bagcarra kee carbi baaxo abuuruy lac sinniih num sinni abte.

Ermiyaas 4:13

Naqboytit, qamburre qaraanal elle tamaate innal, tamaateh tan! Oson qeebi edde aban faaris, baaxok bagul fuluk axcuk gexxa caacoh innal, yamaate. Ken faras sissikaaneh qawiytak umah. Too saaku ummat: «Ahaysa baati nee tibbixeh! Nim tekkeh!» axcelon.

Ermiyaas 4:7

Gablah addak yewqe lubaakih innah, ummatta bayisu waa num aracak ugteh gitat yan. Yuudâ-maraw, sin baaxo abur aba'gidih ugteeh yamaateh yan. Ummatta baysele. Elle sugten magaalooli abuuruh raaqele. Sahdayti addal akak maraaqa.

Ermiyaas 48:40

YALLI iyyeemih, «Qawi qawtam faxxa waqdi raarisak elle tamaate'nnal, Mooyab marat buuba abu waa mari raarisak yamaate.

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Yacedkel 17:3

Keenik intaamah, ‹YALLAY Mulki lehiyya siinik iyyaamah: Dumah yan saaku kaxxa qawiy nabam qaxa-meqe xagor leeh kaxxa galwa lehiyya tene, iyyen. Ayrok teena too qawi Lubnaan fanah haaddeeh; tokkel *sarid-caxah amol nookteeh sariidik ludda tiggile, iyyen. Sarrak woo qawi woo caxah ludda bahha hayteeh mango badaaqat elle aban baaxo fanah beyteeh; tellemmo aba mari mangom elle yan magaalal hayte.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:9

Hay, koo qidoonuh yamaaten saaku, anu Yalla kinniyo keenik maay axcettoo? Koo qidu waa mari kol yamaatu waa saaku, Yalla hinnitoy bani-adantu kinnitom koh ambulleele.

Daaniyel 2:38

Baaxô-bagul tan ummattaay, alluwwe kee haadah abbootan inkih koh yecee. Woo soonol tuble dahabak bicsen amo, koo.

Daaniyel 4:36

«Maqaane yol tuduure saaku, luk suge muddaqiyinnuuy, luk suge haybaay luk suge nabna kee luk suge abbootan yoh yuduureh. Yi doolatih abbobti kee yi xintoh gexso miracwa, emeete way, yoh garayteh, duma malikih suge saaku luk suge migaaqak yayse migaq gee.

Daaniyel 7:12

Aki alluwwak luk sugen abbootan beenih. Takkay immay dago waktih gide rabe'kal yanoonay ken iyyen.

Daaniyel 7:5

«Aki ali yemeeteeh; woo ali uma-alay sahda qidahiyya ceelak yeneeh; salafah daffeyak yen. Too ali masangalê-lafoofuk sidoc afat luk yen. Too waqdi too alak, ‹Ugutay cadok dudda haytah gide akum› kaak iyyen.