Daaniyel 7:25 - NABUWWA KEE MALIKWA

²⁵ Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

Daaniyel 7:25 ပူးပေါင်းရင်းမြစ်များ

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Daaniyel 11:28

Suuriyah malik dannabah bee duyye luk isi baaxo fan adaaruk gitat yan waqdi, Yallih diinih mara baysaamal gaba kalele. Isih faxxa heem abak yeneek, isi baaxol gacele.

Daaniyel 12:7

«Too malaykatti namma gaba fayya haak, waara Yallih migaaqal xiibitah kaa oobbe. Iyyeemih, ‹Wakti kee waktitte kee waktik garab fan sugele. Yallih ummattak qande bayisu waa saaku, tahim inkih gaba kalele› iyye.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 3:26

Sarrak Nabkadnessar urta muufek afah amma 'yeh iyyeemih, «Sadrakow! Meesakow! Qabednagow! Yallay kulliimik daga raaqahiyyah naqoosay eweqay!» keenik iyye. Oson too waqdi xayuk yewqen.

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:2

Anu uble qagabak tanim kee ablewaynuy Yallay kulliimik daga raaqa yoo yuybulleehiyya siinih warsam yoh rufto le.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 4:32

sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Daaniyel 7:18

Takkay immay keenik lakal, Yallay inkih daga raaqahiyyah ummatta too abbootan geeleeh; woo abbootan ken gabak way makata› yok iyye.

Daaniyel 7:20

Tonnah kaadu woo tabna gaysay woo alak amot tene kee, gersi gaysay sarrak tewqeeh sidiica gaysa tiggilehiyyah qaada kaadu aaxigem faxe. Too gaysa intiita kee af luk ten. Gersi gaysoosik elle baxsintaamah, keenik giffa 'ta ceelo luk teneeh, kaxxiinah hiddootak yaabak ten.

Daaniyel 7:8

«Anu woo gaysoosi kaxxam wagitak suge waqdi, qunxa gaysa keenik addak awaqih uble. Too gaysa arac geyta'gidih, duma sugte gaysoosik sidoc buxuxuk yeyyeeqen. Too gaysa sahdayti intiita kee af luk ten. Afak hida ceela yaabat yaabak ten.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.

Daaniyel 8:14

Too waqdi aki malaykatti kaal gacsemii, «Aham namma alfi kee sidiica boolih carri-bar kee saaku taturtam fan akkuk sugele. Tohuk lakal Yallih Qibaadah-Qari taahirroyseenih, akah suge'nnah aduurele» iyye.

Daaniyel 8:9

A affara gaysak tiyak teenah addak qunxa gaysê-baxa tooboke. Too gaysak qande gabbi-qaxaay ayrô-mawqa le kabu kee Baaxooxak-qaxa-tayse-baaxol inkih fixixxe.

Daaniyel 9:27

Too malik inki malciin-gide mango marah bica abele. Woo malciinik garab taturra 'ya waqdi, ummatta abak sugte sadgat kee mattaco inkih abe ken kalele. Yalli faxe baati too ikke amma 'tam fanah, kaxxam umâ-yabulih tanim Yallih Qibaadah-Qarik fayya 'ta aracal heelon. Tamah nagay cubbusay mahawweenin» yok iyye.

Hosiqa 7:16

Yoo cabba heenih, yoo akke sinniimiy hebeltohim xiqe waytah qibaadat gaceenih, makot tan gaysey tu anfiqe wayta yekken. Ken abbobti kaxxam kaxxiinitta'mmay, uma rabah rabeloonuuh, Masri mari keenil anqaasah rabelon» iyye.