Daaniyel 7:24 - NABUWWA KEE MALIKWA

²⁴ Tabna gaysa kaadu tabna malikiy woo doolat xiinissu waytahiyya kinni. Wohuk kalah aki malik amaatele. Too malik duma sugte malikwak inkih baxsa le malik akkeleeh; sidooca malik abbootanak oobisele.

Daaniyel 7:24 ပူးပေါင်းရင်းမြစ်များ

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Daaniyel 2:41

Woo ceelok ibittey birta kee kallak yesgelleenihiyya tuble. Tohuk maqna too doolatih addal sittin-way akkele 'yaanama. Kalla kee birtay agleh tanik, woo doolatak garab caylah birti inna aallele.

Daaniyel 7:20

Tonnah kaadu woo tabna gaysay woo alak amot tene kee, gersi gaysay sarrak tewqeeh sidiica gaysa tiggilehiyyah qaada kaadu aaxigem faxe. Too gaysa intiita kee af luk ten. Gersi gaysoosik elle baxsintaamah, keenik giffa 'ta ceelo luk teneeh, kaxxiinah hiddootak yaabak ten.

Daaniyel 7:23

«Lih yaabak en num, ‹Tohuk maqna ah teeti› yok iyye. ‹Fereyhaytoh ali, fereyhaytô-doolatay tamaatu waytahiyyaay; too doolatat gersi doolatwak baxsa aallele. Baaxol suggu 'teemit inkih ibah aaqatuk baysele.