Daaniyel 7:13 - NABUWWA KEE MALIKWA

¹³ «Anu bar woo soonoh addat an waqdi, sahdayti-baxi ceeloh innal tanim uble. Ta sahdayti ceelot yan numuy qamburre marot tabbixe amaatih uble. Sarrak woo ‹Kulli Waqdi Yaní› wokkel sugehiyya fan gexeeh, kay foocal kaa xayyoysen.

Daaniyel 7:13 ပူးပေါင်းရင်းမြစ်များ

Ermiyaas 49:19

«Ordon garboh addak garciik yewqe lubak lac elle gilisa'nnal, ken giliseyyo. Ken baaxok ken xiiriyeyyo. Tohuk wadir too baaxol innih doore abba heeyyo. Yoo eleelu iyyi duudaa? Yol saduh gactu duddam iyyaay? Yi foocal soolu duuda amoyti mayan.

Yacedkel 1:26

Qari-amo-celtaamak daga, safir deqsita luuluk bicsen korsiy malik elle daffeya celtahiyya uble. Too korsih amol sahdâ-ceelo lem daffeyah uble.

Daaniyel 2:44

«Too malikwah dabaanal, qaraanal yan Yalli baye wayta doolat xisele. Too doolatak faxe doolat mataysaay; sugte doolatwa bayissa hayteh elle raaqeleeh waarele.

Daaniyel 7:12

Aki alluwwak luk sugen abbootan beenih. Takkay immay dago waktih gide rabe'kal yanoonay ken iyyen.

Daaniyel 7:2

Daaniyel yuble soonot yaabeeh iyyeemih, «Bar annah wagga hee waqdi, affara gambik yamaate caacayay bad kaxxa caffo bahsiisahiyya uble.

Daaniyel 7:22

Sarrak woo ‹Kulli Waqdi Yaní› yemeeteh cokmi abeh, ‹Cakki lem, Yallay inkih daga raaqahiyyah mara› iyye. Yallih mari abbootan edde gee wakti gufe.

Daaniyel 7:9

«Anu wokke fan wagitak suge waqdi, makaabon daffeynah koraasi uble. Woo koraasik tiyak teenal ‹Kulli Waqdi Yaní› daffeyah uble. Sari kaak cankaxi qidih inna luk yeneeh; xagor kaak qado illi xagoorih inna luk yen. Kay korsih ibittey koramkortahiyya akak bicseenim girak ten. Too korsi girah innah urak ten.

Daaniyel 8:15

Anu ta wacyik maqna aaxigem faxak suge waqdi, garciik numtin ceelo lem foocal yok soolah uble.