Daaniyel 7:1 - NABUWWA KEE MALIKWA

¹ Baabelon baaxok malikih yen Belsaxxar edde dardaare sanatat, Daaniyel bar qarkaytol deerih yan waqdi, soono kee wacyi innah tanim yuble. Soonoh yublem warkatal yuktubeh raaqise.

Daaniyel 7:1 ပူးပေါင်းရင်းမြစ်များ

Yasaqya 30:8

«Aham hawwentime wayta'gidih, kulli way sumaq keenil takke'gidih, ta farmo ummatak foocal luucul uktub; warkatal kaadu uktub» 'yaanam Yalli yok iyye.

Yasaqya 8:1

YALLI yok iyyeemih, «Kaxxa luuc baahay, ‹Xayuk Ibbixa Sissikuk Buuba› 'yaanam kaxxa kutbeh elle uktub» iyye.

Ermiyaas 23:28

Soono yuble num, ‹Anu wonnah tan soono uble›, axcuk, yuble soonot yaabek faxeemi'mmay, ‹Yallih wacyi yol oobe› axce waama. Wonna hinna'mmay, nummah yok kaal obte farmo tekkek, qaduk keenih warsaamaay nummat ken lih yaabaama. Caffa kee daro inkim hinna. Tahat yabtam yoo YALLA.

Ermiyaas 27:7

Kay dardaarinni edde baya ayro fanah, kulli doolat kaa kee kay xaylo kee kay xayloh-xayloh naqoosa akkelon. Tohuk lakal miduh kay mari gersi doolatay qande lehiyyah naqoosa akkelon.

Ermiyaas 36:32

Sarrak Ermiyaas aki warkat bahha heeh, kutbe-abeenah kaak yan Baarukul yecee. Baaruk usuk kaah warissa heem inkih yuktube. Too naharsi warkatal uktubba hee yab kee, wohuk kalah kaadu, too yaabih bis le yab edde qagissa heeh yuktube.

Ermiyaas 36:4

Tohuk lakal Ermiyaas, Neeriyyâ-Baaruk deqsita numuh secca iyyeeh; YALLI kaak, «Uktubay raaqisa» iyyem, too numuh yaktube'gidih warse. Too waqdi Baaruk tohim inkih xambaqen-warkatal yuktube.

Yacedkel 1:1

Anu Buudi-baxa Yacedkel kinniyooh, soddomhaytô-sanatak fereyhaytoh alsak konoyhaytoh ayrot, Baabeloonul Kabar-weeqaytuk xaqut, Yuudâ-maray seewah beenihiyya lih an waqdi, qaran fakkimma 'yeeh; too waqdi Yallih wacyi yol oobe. Too wacyi elle ublem, Baabelon rasuk Kabar weeqaytu deqsita aracih garik ten.

Yacedkel 40:2

Yalli isi wacyih Israayil rasu fan yoo beeh, Yarusalaam magaalal tan kaxxa qaleh amol yoo hee. Too qalek gabbi-qaxat magaalah innal xissinte qarwa uble.

Daaniyel 1:17

Yalli woo affara numuh falsafat kee kitaabal tunkuttubeemih ixxiga keenih yecee. Toh lih kaadu Yalli Daaniyelih suwaawur kee soonok maqna elle yaaxige'nna kaah yecee.

Daaniyel 2:1

Nabkadnessar malik yekkeemih nammeyhaytô-sanatat soono yubleeh, woo soonoh sabbatah waagiseeh xin kaat amaate cineh.

Daaniyel 2:26

Malik too waqdi Daaniyeliy Baabelon-mari migaaqah Beltasaxxar akak iyyehiyyak iyyeemih, «Anu uble soono kee woo soonoh maqna yoh afdigettom duddaa?» kaak iyye.

Daaniyel 4:13

Uxih xiinit an waqdi, woo soonol qaraanak kulli waqdi bical yan malaykattu amaatih uble.

Daaniyel 4:5

Barak teena qarkaytô-bagul xiinit an waqdi, kaxxam cunxo yot qida suwaawur uble.

Daaniyel 5:1

Ayrok teena malik Belsaxxar alfi yakke maray kay xintoh miracwah yanihiyyah, isi buxal qibnaytiinoh kaxxa afxago keenih xage. Belsaxxar qinabak bicsen kamri ken lih aaqabuk suge.

Daaniyel 5:22

«Takkay immay kooy kay baxah yanihiyya aham aaxagih, Yallah marammitinnitooy,

Daaniyel 5:30

Malik isih, too barat edde, marin gabat rabe.

Daaniyel 7:13

«Anu bar woo soonoh addat an waqdi, sahdayti-baxi ceeloh innal tanim uble. Ta sahdayti ceelot yan numuy qamburre marot tabbixe amaatih uble. Sarrak woo ‹Kulli Waqdi Yaní› wokkel sugehiyya fan gexeeh, kay foocal kaa xayyoysen.

Daaniyel 7:15

«Yoh tu gactek, too wacyiy ublehiyya kaxxam yoo wariggiseh kinni'nna aaxige cineh.

Daaniyel 7:7

«Anu tohih wagittot an waqdi, too wacyil fereyhaytoh ali yemeete. Too ali kaxxa qande luk yeneeh kaxxam akak meysitan alay cunxo sinaamat qidahiyyak ten. Kaxxa moddiiniy biriitah yanihiyyat qide mara kitif kitif heeh yokme. Sarrak wohuk raqteemik amot taqqa 'ye. Too ali gersi alluwwah inna hinna'mmay tabna gaysa luk yen.

Daaniyel 8:1

«Belsaxxar malik yekkeemih sidochaytô-sanat yekke saaku, anu nammeyhaytô-soono uble.

Ayyuqel 2:28

«Sarrak kulli maral inni Roocaaniyya oobiseyyo. Siinik lab-xaylo kee say-xaylo yi farmo sinaamah warsele. Idoola siinik soono sooniteleeh; furrayna siinik sirri innah tanim ablele.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.

Cabakkuk 2:2

Sarrak YALLI yok iyyeemih, «Allaak akah tankirriye innah, anu koh warisu waam luucul meqe innah uktub.