Daaniyel 6:8 - NABUWWA KEE MALIKWA

⁸ «Toh kulli num dirkih akah oggolaah; aham Meediya kee Fursih xintoy kore waytahiyya akah takke'nnah, isi asta elle hayte warkatal nee amris» kaak iyyen.

Daaniyel 6:8 ပူးပေါင်းရင်းမြစ်များ

Aster 1:19

<

Aster 3:12

Tohuk wadir sanatak naharsi alsak taban kee sidochaytoh ayro, Haaman kutbe-abeenitih inkih seeceeh; yemeeten waqdi amri gurrah keenik iyyeemih, «Malik amol akak enna 'ya rasul yan marih af kee feerat, malik amri elle yan warkat uktubaay; too warkat xintoh-abbobti kee doolat-taamak-fayya-inta-exxal-yan-mara kee doolat-gubal-rasi-abbobtih-yan-marah inkih ruuba. Ta amri rubtam, Malik-Ekserkas kinnuk, usuk ruubeemih astah kay ferranto bagul astah akak haa» iyye.

Aster 8:10

Mordakay woo yab malik-migaaqal yuskutubeeh, sarrak malik-asta kay migaaqal elle hee. Ta waraakit gabat le mari sissik-faarisiy malik qaril faarisih aben dagget yanihiyyat xoxbisak gexen.

Aster 8:3

Tohuk lakal Aster malikik ibak gubal raddeeh, weeqah sinkibitak kaak inteemih, «Agag deqsita malikik rade Haaman, Yahuud marah looweh suge umaane akah raaqisinnaan innah ab» kaak inte.

Aster 8:8

Awayah tu gactek, malik migaaqal yewqe amri kee kay asta elle tan warkat korsaanam mabicta. Tonna'mmay away isinnih elle faxxa haytan gurral, Yahuud marah waraakit aktubaay, taktuben waqdi, yi migaaqal uktubay malik asta edde haa» iyye.

Yasaqya 10:1

Woyyow siinit takku waytaamow! Qadlit mataamittaanay, yi ummatta biyaakittaana'gidih, gitah ane sinni madqa abtan.

Daaniyel 5:28

«Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Daaniyel 6:12

kaak malkitaani'gidih malik fan gexen. Too waqdi malikik iyyeenimii, «Malikow, atu soddom ayroh gide, koo akke waytek, gersi mara kee faxinnaan yallak tuk teena essera num, lubooka elle tan boodot qidenno, 'yaanam elle tan warkatay ku milikkit elle tanihiyya tunkuttubem hinnaa?» iyyen. Malik keenil gacseemih, «Tunkuttubeh. Woo amri gibdiih, Meediya kee Fursih marih amriy kore waahiyya» keenik iyye.

Daaniyel 6:15

Sarrak taaxige mari butta tikka 'yeh, nammeyhaak kaal yemeeteeniih kaak iyyeenimih, «Malikow, Meediya kee Fursih marih xinto elle inta'nnal, inki adda yewqe amri nammeyhaak milaagaanam mabicta» kaak iyyen.