Daaniyel 6:3 - NABUWWA KEE MALIKWA

³ Daaniyel gersi marak kasah aysuk yeneemih sabbatah, xayi saakih addat, kaa'lih sinam wagittot heen mara kee baaxoh abbobtik, inkih tayse taamah taamitam kaak tumbulle. Tonna leemiik malik inkih tan baaxoh abba kaa abam faxe.

Daaniyel 6:3 ပူးပေါင်းရင်းမြစ်များ

Qedra 4:22

Nanu faxe waynam edde akke'kal, a waqdiik gexay keenih warisa» 'yaanam yuktubeh keenih ruube.

Nacmiya 7:2

Tohuk lakal anu Yarusalaam magaalah adda xiinisu waa namma num xintoh abbah hee. Too namma numuk tiyak teeni, yi toobokoyta Canaanik ten. Akitti kaadu megdebik abbah yen Cananya deqsita numuk ten. Cananya imaan digga kee Yallih meysih kay innah yan num mananna.

Aster 10:3

Yahuuduh yooboke Mordakay, Malik-Ekserkasak kalih marak inkih, reedah amol raaqa numuk yen. Yahuud kaxxam kaa assakaxxuk teneeh, kaxxam kaadu kaa kicinuk ten. Usuk kaadu isi marah amqinnan taamah abitto kee ken amo dacrisaanam taamah luk yen.

Daaniyel 5:12

Num aalle waa kas kee ixxiga leeh; soonok maqna warisuh dudda akah le. Missilak kaadu maqna yaaxigeeh, sirrih taniimik maqna yafdige. Too numuh farmo rub. Kaak migaq Daaniyeli. Malik migaaqah Beltasaxxar kaah yeyyeeqeh suge. Usuk ahamih maqna koh warsele» kaak inte.

Daaniyel 5:14

Qagseh kaadu kaak iyyemii, «Yallittê-roocaaniyya kot taniih, atu duddaay ixxiga kee kas lito 'yaanam oobbe.

Daaniyel 5:7

Too waqdi, «Faal-qida kee baab-abeenit kee cutuk-beyah yoh seeca» iyyeh xongole. Woo mari yemeete waqdi, malik keenik iyyeemih, «A kutbe yakriyeeh teetik maqna yoh warisu waa numuh, malik buxah mari haa qasdiimin sartan kee dahabak bicsen silsilatay massakaxxah fillat haanahiyya aceeyyo. Abbootanah kaadu yok gubal sidochaytô-num akkele» iyye.

Daaniyel 9:23

Atu Yalla kallactam qimbisse waqdi, Yalli woo kallaci koh oggoleh. Yalli kaxxam koo kicnah; tonna leemiik anu away atu abte dooqa Yalli kok oggolem koh warsa'gidih emeete. Taway Yalli Ermiyaas yuybulleemik maqna koh warseyyo'mmay, nagay yoo ankacis.