Daaniyel 6:20 - NABUWWA KEE MALIKWA

²⁰ Tokke yemeete waqdi meysitak Daaniyelih seeceh, «Daaniyelow, waara Yallih naqasow, atu baguuk taqbude Yallay ku Dagelta kinnihiyya lubookak koo catee?» kaak iyye.

Daaniyel 6:20 ပူးပေါင်းရင်းမြစ်များ

1 Aydaad 16:11

YALLAL cato essera; qande siinit haa'gidih, hangi kaah ucuyay; kabba kaat inxicay.

Ermiyaas 32:17

«Dooqah excemii, ‹YALLAW, Mulki le Dageltaw, qaran kee baaxo isi nabna kee qandet xisse. Yaffarem le Dagelta hinnito.

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Daaniyel 3:17

Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Daaniyel 6:16

Too waqdi malik, «Daaniyel baahay boodot kaa qida» 'yaanamih amri yeceeh; toh aben. Takkay immay malik Daaniyelik annah iyye. «Ku Dageltay atu baguuk taqbudehiyya koo catay» kaak iyye.

Daaniyel 6:19

Maaci maacise waqdi, malik ugutta 'yeh sissikuk woo boodo fan gexe.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.

Daaniyel 6:27

Umaanek cattaah waddam kaa. Able weeniih aabbe weenim, qaran kee baaxô-bagul abtam kaa. Lubookah afak Daaniyel cattem usuk yaqbude Dagelta» 'yaanam iyye.

Hosiqa 12:6

Tonna kinnuk Yallay sin Dagelta kinnihiyyal eemenaay kaal uduura. Yallak kalihim maqbudina; maqaane kee qadaalat le mara tika. Yallih cato tamaatem fanah, wonnah maxcinaay annah maxcinay kaa qambaala.