Daaniyel 5:30 - NABUWWA KEE MALIKWA

³⁰ Malik isih, too barat edde, marin gabat rabe.

Daaniyel 5:30 ပူးပေါင်းရင်းမြစ်များ

Yasaqya 47:9

Tama isin net matakka inteenim siinit akkeleeh, inki ayroh addat siinit akkele. Xaylo qunxih siinik rabeleeh, agbi siinik gubuunuh raaqele. Ramli qida kee ginnilil akah gexxaanamah, tah siinik raq lem hinna.

Ermiyaas 50:24

Baabelon maraw, qeebi edde abteenim yoo'mmay, a saaku anu siinih hee ofloh addat radden. Oflo siinih haytem yoo kinnim aaxige'kal, edde radden.

Ermiyaas 51:11

YALLI Baabelon baysam faxaah, tohuk gexxaamah Meediya deqsitta baaxoh malikwa keenit ruubah yan. Kay Qibaadah-Qarit aben umaaneh sabbatah, keenil obtu wayta bala bical tanik, carbi amrissa qaskar, «Gaysê-baxa arbaqa (samlisa)» inta. «Goobwa haysita» inta.

Ermiyaas 51:31

Baabeloonut takku wayta baati malikih warsaana'gidih, mariiy kabuk kaa fan arduk amaatele. Baabelon inkitanuuk tintixibbixem kaah warselon.

Ermiyaas 51:39

Kaxxam satqitan waqdi rikeek tan afxago keenih aceeyyo. Too afxagot askireloonuuh, kaxxam asuuleloonu'mmay, tohuk lakal sarrah-akak-ugte-waan-xiinih xiinelon.

Ermiyaas 51:57

YALLI iyyemii, «Abbobtih yan mara kee kasloytitiiy, xintoh abbobti kee doolatak saqoltih yan mara kee, agiirah tan qaskaray Baabeloonul tanihiyya askiriseyyo. Woo sikratat aboonu waan xiinik way muugutan. Tahat yabtam yoo Maliki. Anu YALLAY Nabaamak Nabahiyya kinniyo» iyye.

Qaamus 6:7

Tohuk gexxaamah naharat baaxok tawaqu waytaah tankiliqu waytam siini. Too saaku a saaku edde tanin farcat kee raacat gaba kalelem taaxigeenimi» iyye.