Daaniyel 5:28 - NABUWWA KEE MALIKWA

²⁸ «Baxsa 'yaanamak maqna kaadu: ku doolat baxambaxsinteh Meediya kee Fursih yooboke marah tontocowwe» 'yaanam kaak iyye.

Daaniyel 5:28 ပူးပေါင်းရင်းမြစ်များ

2 Aydaad 36:23

Too warkat axcuk teneemih, «A warkatal yan amri taceem, yooy Kooris migaq leeh Fursi-malik kinnihiyya. YALLAY qaraanal yan Dagelta kinnihiyya inkih yan baadak abba yoo abeeh; Yuudâ-rasuk Yarusalaam magaalal kay Qibaadah-Qari xisaamih abbootan yoh yecee. Tonna'mmay ta saaku YALLIH maraw, tokke gexaay; YALLI muquk sin beyay» 'yaanam elle ten. Taham akkelem kaadu YALLI dumaak nabi Ermiyaas afat warseh suge.

Yasaqya 13:17

YALLI kaadu iyyeemih, «Baabelon yabbixeeni'gidih, Meediyah-maray lakqot tu wee waah dahab yeceenimih ayra oggole waahiyya keenit ruubeyyo.

Yasaqya 21:2

Kaxxam uma wacyi yol oobeeh; ublem, ganoleelay gano abtahiyya. Qamalleelay sinam radda uble. «Qeelam maraw, qeebih gaba qida. Meediyah maraw, magaalat maro haa. Is sinaamal bahte umaane teetik gacseyyo» iyye anay oobbe.

Yasaqya 47:11

Bala siinil oobele'mmay, too bala isinnik akah kaltan inna mageytan. Masiibat sin abbixele'mmay, faxe sicri siinik mawaasa. Cube waak sugten bala kee qaasir-umaane sin abbixele.

Ermiyaas 25:13

A kitaabal edde yabba excem abeyyooh; Baabelon baaxooxa akah inxicca exce'nnah, bayseyyo. Ermiyaas edde yaabem inkih abeyyo.

Ermiyaas 51:28

Doolatwa qeebih keenit ugusa. Meediyah rasul tan amoytitteh farmo ruuba. Xintoh abbobti kee ken doolatak saqoltih yan mara kee, oson reedah amol akak yanin baaxoh mara qeebih bical haa.

Daaniyel 2:32

Amo akak nabam meqe dahabak bicseenih yenen. Alil kee gaboobi akak lakqok bicseenih yenen. Axca kee mayxay akak nacaasak bicseenih yenen.

Daaniyel 2:39

«Kok lakal gersi doolat amaatele'mmay, ku doolatih gide nabnak matalla. Ku lakal tamaatu wayta sidochaytô doolatay nacaas inna le, inkih tan baaxo xiinisele.

Daaniyel 5:31

Daryawesiy Meediyah yoobokeh barak lactam kee nammayat yenehiyya, kay aracal gaceh Baabelon-baaxoh-malik yekke.

Daaniyel 6:28

Daaniyel, Daryawes kee Koorisiy Fursih yooboke dardaarinni-dabaanal, kullim gabal akak bicta num yekke.

Daaniyel 6:8

«Toh kulli num dirkih akah oggolaah; aham Meediya kee Fursih xintoy kore waytahiyya akah takke'nnah, isi asta elle hayte warkatal nee amris» kaak iyyen.

Daaniyel 8:20

Woo tuble maruyuy namma gaysa luk yenehiyyak maqna Meediya kee Fursih marih xinto.

Daaniyel 9:1

Meediya deqsita marah yooboke Daryawes Baabelon rasul malikih yen. Kay abba migaaqah Ekserkas deqsitak yen.