Daaniyel 5:23 - NABUWWA KEE MALIKWA

²³ qaraanal yan Goytak giddih tan taamah taamitteeh; kay qarik dannabah orbisen kobbaayiy kee sacnittel, koo kee ku xintoh miracwaay ku agabu kee caggô-gubbih caggoh ginnaaqot lito agabu, qinabak bicsen kamri tooqoben. Too waqdi yalla axcuk dahab kee lakqooy nacaas kee biriitaay coox kee xeetik bicissen duyyey tu aabbe waytah tu able waytah tu aaxige waytahiyya faylisse. Yallay koo wadaah koo qidaah atu abba haytem inkih gabat lehiyya massakaxxinnito.

Daaniyel 5:23 ပူးပေါင်းရင်းမြစ်များ

2 Malikwa 14:10

Hay Amaxyaw, Edom marak qeebih teyseemih hidah rabtam kok ableh an. Yoo qeebih suumuttam, koo kee ku marah baati xalelem mataaxigaa? Maabinay, geyte iisa koo xiqtay inxicaay, is buxal elle idiy, qeebi hinnak» 'yaanam kaah ruube.

Yasaqya 13:11

Yalli annah iyye. «Ken umaaneh sabbatah, baadal bala oobiseyyooh; umaanet asa mara ken umaanek gexxaamah digaaleyyo. Kaxxam isit yakkale mara ayqunxeeyyo; racmatta-maleelay anaani lehiyya ramma heeyyo.

Yasaqya 14:13

Atuuy, isi-niyal intemii, ‹Qaran ewqeh abbootanah kulliimik daga raqta cutuukak dagal, dardaarinni korsil gaceyyo. Kilbat le kabut raqta angaaraw qalel malikih gaceyyo.

Yasaqya 2:12

Macaay inteenik, YALLAY Nabaamak Nabahiyya ayro le. Too ayrot qande leemiiy kaxxiina kee qubbuy intam inkih wacarroysele.

Yasaqya 33:10

YALLI iyyamaa, «Away anu ugteyyo. Away, yi nabna kee yi qande sin aybulleeyyo.

Yasaqya 37:19

Too mari Yallih aftoh luk suge duyye keenik carriseenih foyya abeenim numma. Takkay immay woh sahdayti isi gabak xeet kee cooxuk bicse duyye ikkal Yalla hinna.

Yasaqya 37:23

Atu xaafteeh qayto edde abtem iyya takkale? Kaxxiinah amo qaraanal elle haytem iyyaay? Caddi akah abe waytem, iyya kot celta? A ceele-waytam akak axcuk sugtem, Israayil doore Dageltay *kudduusuk yanihiyya kinnim mataaxiga'nnaa?

Yasaqya 42:5

YALLI inkih yan qaran gineeh fidseeh; baaxo fidseeh baaxô-bagul ubukku intam yuklukeeh; baadal yan marat rooci kee ufuy hee. Usuk qagseh isi naqasuk iyyemii:

Ermiyaas 10:23

YALLAK kaadu excemii, «YALLAW, sahdayti gufe ikke isik mayaaxiga; isi mano yamlike num mayana.

Ermiyaas 48:26

YALLI kaadu iyyeemih, «Mooyab mari yot missoowaanam faxak suge'mmay askireloonuuh, isinnih aben alliyot amboroorokelon. Sinam keenil anqaasah rabele.

Ermiyaas 50:28

Ankacisa! Baabeloonuk kude mari Siyon fanah yamaateh yan! Tokkel, duma Yallih Qibaadah Qaril baaheenimih caneh, YALLAY ni Dageltah yanihiyya Baabeloonul baaheemit yaabeloonuk, ken ankacisa.

Ermiyaas 50:29

YALLI iyyemii, «Gaysê-baxi qalaamal yaaxigen marak, ‹Ugutay, Baabelon marat qeebi aba› inxica. Magaala keenik marot haay num keenik awqe kala. Oson sinaamal bahha heenim keenil baaha. Oson sahda edde abbaxuk sugen xintot ken haa. Toh keenik aba akah axcem, yoo YALLA aaxaguk masuginnoonuuy, kaxxiina xagarat hayya heenih, anu faxe waam abak sugen. Anu YALLAY *kudduusuk yaniih Israayil ummat doore Dagelta kinniyo.

Yacedkel 28:17

Litoh tan qax-maqaane kaxxiina koo bahsisseeh, migaq-gexxoy luk sugte hawri koo cabsisseh. Tohuk gexxaamah xabba koo heeh, baaxot koo qide. Kot tekkem tuble malikwa, tah net akkeleh, axcuk, akah meysitta 'ta digaalah koo digaale.

Yacedkel 28:2

«Bani-adantow, Suur magaalah malikik intaamah: YALLAY Mulki lehiyya kok iyyaamah, ‹Kaxxiinah qaffuddaah yalla is takkale. «Yalla kinniyooh bad maroh edde yan korsil an» 'yaanam inta. «Kasah Yallih innah an» intaah, Yalla is celsissa'mmay, sahdaytu kinnito ikkal Yalla hinnito.

Yacedkel 28:5

Tellemmol kaadu kaxxa ixxiga luk sugteeh; tohih sabbatah mango fayda geyte. Tohut geyte gaddaliino kaxxam kaxxiina koo bahsisse.

Yacedkel 31:10

«Tonna-leemiik yoo YALLAY Mulki lehiyya iyyaamah, Too caxa dadalah qamburre guftam faxxa hayte. Tembe saaku kaxxiina bahteemih sabbatah,

Daaniyel 11:12

Too waqdi woo marak abeh yan iisak gexxaamah kaxxiina baaheleeh; mango alfitte takke qaskar qidele. Takkay immay tohuk wadir iisa geyak maraaqa.

Daaniyel 4:37

Tonna leemiik yoo Nabkadnessar qaraanal yan Malik faylisaah kaa assakaxxeh. Usuk le nabnat yaabah, usuk abba heem inkih cakkik taniimiiy, kay giti cakki gita. Kaxxiina le marak kaxxiina kalu dudda le» 'yaanam iyye.

Daaniyel 8:11

Qaran qaskarih Mirac lih kinni way qeebi abam faxeeh, kulli ayro kaah abak sugen sadgat abe kaleh. Yallih Qibaadah-Qari nadaasa abe.

Cabakkuk 2:4

Qagseh iyyeemih, «Farmo ah teetik, uktub. ‹Kaxxiina-leela wagitay, kaxxiina ken roocit aamele. Meqe marah tu gactek, imaanat waarelon› » 'yaanam iyye.

Makaabon 16:23

Filistiin malikwa yallah loonumuy migaaqah Dagon akak iyyaanahiyyah kaxxa sadgat abaana'gidiiy woo ayro yassakaxxeeni'gidih, inkih aracal gaaboowen. Too waqdi qadar abeeniih woo qadarah iyyeenimih, «Ni yalli naqboytah suge numuk nee yiysiiseh» iyyen.

1 Samuwel 17:26

Dawud isi garil suge marak iyyeemih, «A Filistiin num qideh, Israayil mara a migaq-sinnak currih yayyaaqu waa numuh maca aceelon? A Filistiiniitih diini mali fiiruk iyya yekke waqdiiy; waara Yallih qaskarat qeebi aba'gid akah yemeetem?» iyye.

1 Samuwel 17:36

Lubokwa kee gersi alluwwa qideeh; a Filistiin-numuy diini aalle waah, waara Yallih qaskarih migaq baysahiyyak toh abeyyo.