Daaniyel 5:19 - NABUWWA KEE MALIKWA

¹⁹ Usuk nabna le numuk yeneemih sabbatah, mango baaxoh mara kee mango meelah yoobokeeh mango afah yaaba mari kaak aben meysi kaak axaxitak sugen. Qidam faxa num qidak sugeeh, wadam faxa num wadak suge. Qawratat qidam faxa num qidak sugeeh; yassakaxxem faxa num assakaxxuk suge.

Daaniyel 5:19 ပူးပေါင်းရင်းမြစ်များ

2 Malikwa 25:28

Tohuk lakal meqem kaah abakaay, Baabelon fan seewah been malikwak inkih, tayse kunnabna kaah abak suge.

Yacedkel 31:11

tet cineeh marin abba tet beetay exce. Is bahte umaaneh tet celtam teetik abe.

Daaniyel 11:12

Too waqdi woo marak abeh yan iisak gexxaamah kaxxiina baaheleeh; mango alfitte takke qaskar qidele. Takkay immay tohuk wadir iisa geyak maraaqa.

Daaniyel 11:16

Suuriyah malikiy qeebi keenit abahiyya isih faxxa heem abeleeh; num kaat makoysita. Baaxooxak qaxa inkih tayse baaxo isi gabat heeleeh, too baaxo edde bayisu duuda qande luk sugele.

Daaniyel 11:3

Tohuk lakal agiruh yan malik amaatele. Too malik kaxxam naba abbootan luk sugeleeh; isih faxxa heem abele.

Daaniyel 11:36

« ‹Suuriyah malik isih faxxa heem abak sugele. Yallitte akak inxicci 'yaanamak nabiyoh axcuk tirtirisele. Yallittek naba Dagelta kinni way, uma'nnal xaafele. Yalli kaa digaalla haam fan toh abak sugele'mmay, Yalli hununuh abeyyo inxicca 'yem abele.

Daaniyel 3:29

Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.

Daaniyel 3:4

xaagu sinaamah yaysaabbe num sollu 'yeeh anay fayya haak annah iyye. «Kulli rasih ummatta kee mariiy, isi nasab kee isi af akak le ummattak inkih,

Daaniyel 3:6

Gommoh rade wee num, woo waqdiik, habug inta kaxxa-muufeh innal bicsen aracah addat kaa qidelon» iyye.

Daaniyel 4:17

Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:19

Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Cabakkuk 2:5

Gaddaliino sahda aylahissa. Diiko rabak akah cayye wayta innah, kaxxiina-leela kaxxiinak macaytaay; geenimit mayaseehedan. Kulli baaxot qeebi akah abaanaah, baaxooxa akah yabbixeenim, tohih sabbata.