Daaniyel 5:16 - NABUWWA KEE MALIKWA

¹⁶ Takkay immay too maral gibdaabina lem kol sahlih taniih; sinam gita akah wayteemih atu gita geyta 'yaanam kok iyyan. Tonna leemiik atu a kiraati tikriyeeh maqna akak teexegek, malik buxah mari haa qasdiimin sartan kee dahabak bicsen silsilatay massakaxxah fillat haanahiyya koh aceeyyo. Abbootanah kaadu yok gubal sidochaytô-num akketto» kaak iyye.

Daaniyel 5:16 ပူးပေါင်းရင်းမြစ်များ

Daaniyel 2:48

Tohuk lakal malik Daaniyelih kaxxa arac yeceeh, mango mattacoy nabam meqehiyyak mangom kaah yecee. Baabelon-rakaakayih abba kaa abe. Kalah kaadu, malikih fayu yecee marak inkih abba kaa abe.

Daaniyel 5:29

Too waqdiik malik isi marak, «Daaniyelih malik buxah mari haa sartanay ibak lifiq gufay qasdiimini kee, dahabak bicsen silsilat fillat kaak haa» iyye. Abbootanak kaadu isi gubal sidochaytô-num kaa abe.

Daaniyel 5:7

Too waqdi, «Faal-qida kee baab-abeenit kee cutuk-beyah yoh seeca» iyyeh xongole. Woo mari yemeete waqdi, malik keenik iyyeemih, «A kutbe yakriyeeh teetik maqna yoh warisu waa numuh, malik buxah mari haa qasdiimin sartan kee dahabak bicsen silsilatay massakaxxah fillat haanahiyya aceeyyo. Abbootanah kaadu yok gubal sidochaytô-num akkele» iyye.

Daaniyel 6:2

Toh lih kaadu woo abbobti abta taama wagtaana'gidih, Daaniyel kee gersi namma num reedise. Malik isih taqbe waa'gidih, xinto meqe'nnal gexxa'gidih, woo sidiica num reedise.