Daaniyel 5:13 - NABUWWA KEE MALIKWA

¹³ Daaniyel woo waqdiik malik buxah baaheeniih; too waqdi malik kaak iyyeemih, «Yi abba Yuudâ-baaxok seewah baaheeh Daaniyel akak 'yaanam koo innaa?» kaak iyye.

Daaniyel 5:13 ပူးပေါင်းရင်းမြစ်များ

Qedra 10:16

Ta marak kalih maray elle suge baaxok yuduurehiyya ta mala oggoleeh; too waqdi sek Qedra gulubwah saqoltih addak yeexegen mara doore. Sanatak tabanhaytoh alsak inikhaytoh ayro too maray dooreenihiyya ken akah dooren taama qimbisen.

Qedra 10:7

Sarrak, «Marin baaxoy elle sugehiyyak yuduureeh, away Yarusalaam kee Yuudâ rasul enna 'ya maraw, tikki 'taanamak Yarusalaam fanah ama» 'yaanamih farmo ruuben.

Qedra 4:1

Yuuda kee Benyaamah yooboke marih naqboytitteh yen mari, elle suge marin baaxok yuduure mari YALLAY Israayil doore Dagelta kinnihiyyah qari nammeyhaak xisaanam yoobben.

Qedra 6:16

Tohuk lakal seeka kee Leewih yooboke mara kee, wohuk kalah tan Israayil-ummattay marin baaxoy elle sugtehiyyak tuduurehiyya kaxxam ruffu 'yeenih; too ayro Qibaadah-Qari Yallih taamah taahirroyseenimih farcatah asen.

Daaniyel 1:1

Yahoyaakim Yuudâ-malik yekkeemih sidochaytô-sanat yekke saaku, Malik Nabkadnessar deqsita numuy Baabelon malikih yenehiyya, Yarusalaam magaalat qeebi abeeh marot tet hee.

Daaniyel 1:2

Goyti, Yuudâ-malikih yen Yahoyaakim kee Yallih Qibaadah Qarih addal sugte duyyek garab, Baabelon malikih gabat akah tantixibbixe innah abe. Too malik sahdak tu takkem seewah gabat beeh, dannabah kaadu Yallih Qibaadah Qarik been duyye orbise. Too duyye yalla axcuk yaqbudeemih xise qarik duyye elle daanisan aracal hee.

Daaniyel 1:21

Daaniyel Malik-Kooris deqsita malik Baabelon rasul dardaare saaku fanah doolat taamal elle suge.

Daaniyel 1:6

Tohuh dooren marak addat, Daaniyel kee Cananya kee Misaayel kee Qadarya deqsita maray Yuudâ-kedoh yoobokehiyya edde yen.

Daaniyel 2:25

Aryuk woo waqdiik, Daaniyel malik fan beeh, kaak iyyeemih, «Malikow, Yuudâ-baaxok seewah bahne marih numuy atu tuble soono yaaxigehiyya geeh» kaak iyye.

Daaniyel 2:48

Tohuk lakal malik Daaniyelih kaxxa arac yeceeh, mango mattacoy nabam meqehiyyak mangom kaah yecee. Baabelon-rakaakayih abba kaa abe. Kalah kaadu, malikih fayu yecee marak inkih abba kaa abe.

Daaniyel 5:11

Ku xintoh gubat tan baaxoh addal, *Kudduusuk tan yallitteh roocaaniyya xagarat akak tan num yaniih; ku abba malikih yen saaku, a num tut xayih radiyyaay ixxiga kee yallitte-kas le num kinnim kaak tumbulleh sugte. Ku abbah yen Malik Nabkadnessar, faal-qida kee baab-abeenitiiy cutuk-beya kee ramli-qidak inkih abba kaa abeh suge.

Daaniyel 5:14

Qagseh kaadu kaak iyyemii, «Yallittê-roocaaniyya kot taniih, atu duddaay ixxiga kee kas lito 'yaanam oobbe.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 5:2

Maqabat yanin waqdi, kaa kee kay xintoh-miracwaay kay agabu kee caggô-gubbih caggoh ginnaaqot le agabu elle yaaqubeeni'gidih, Belsaxxar amri yeceeh iyyeemih, «Gexay yi abba Yarusalaamal yan Yallih Qibaadâ-Qarik baahe dahab kee lakqok bicsen kobbaayiy kee sacnitte annah addah culusa» iyye.

Daaniyel 6:13

Oson too waqdi kaak iyyeenimii, «Hay tonnal, Daaniyeli iyyaanah Yuudâ-baaxok seewah baahen numuy akkel yanihiyya koo mayassakaxxaay atu tecee amri cinna heeh, kulli ayrol sidiica adda dooqa aba» kaak iyyen.

Daaniyel 8:1

«Belsaxxar malik yekkeemih sidochaytô-sanat yekke saaku, anu nammeyhaytô-soono uble.

Daaniyel 8:27

Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.