Daaniyel 5:11 - NABUWWA KEE MALIKWA

¹¹ Ku xintoh gubat tan baaxoh addal, *Kudduusuk tan yallitteh roocaaniyya xagarat akak tan num yaniih; ku abba malikih yen saaku, a num tut xayih radiyyaay ixxiga kee yallitte-kas le num kinnim kaak tumbulleh sugte. Ku abbah yen Malik Nabkadnessar, faal-qida kee baab-abeenitiiy cutuk-beya kee ramli-qidak inkih abba kaa abeh suge.

Daaniyel 5:11 ပူးပေါင်းရင်းမြစ်များ

2 Samuwel 14:17

Qagisseh kaadu intemii, «Yi malikow, atu Yallih malaykattih gideey, umam kee meqem tittak baxissu dudda. Tonna-leemik, malik yoh culu waa xagni yoo catele, 'yaanam inni afqadol heeh emeete. YALLAY ku Dagelti kinni ku qaxa yakkay!» inte.

Yacedkel 28:3

Daaniyelik kasah taysem isik takkale. Kok qellittam matanam takkale.

Yacedkel 28:4

Litoh tan kas kee ixxigat mango dahab kee lakqo kobxisitte.

Daaniyel 1:4

Ta mari yi qarih addal taamita'gidih, xagar qax-maqaane leeh hebeltoh ayma aalle waa maray kas kee cubbiiy ixxiga kee baritto lehiyya yakkeenim faxxinta» iyye. Asfanad, Baabelon marih af kee woo afat tunkuttubem, too mara barsam faxximta.

Daaniyel 2:11

Annah tanim kaxxam gibdiimiiy; yallittek kalih mari yaaxagu maduuda. Yallitteh tu gactek, sahdayti addal mageytinta» kaak iyyen.

Daaniyel 2:22

Qellittaah sirrik tanim qaddossam kaa. Diteh addat qellittam tablem kaa. Ifi maroh edde yanim Yalla.

Daaniyel 4:18

Malik, «Anu ublem ta soono kinnih» 'yaanam iyye. «Ta way Beltasaxxaraw, teetik maqna yoh waris. Yi baaxol tan tu-taaxagok, aham num yoh warisu maduudinna. Takkay immay kot yallittê-roocaaniyya taniimih sabbatah duudetto» iyye.

Daaniyel 4:5

Barak teena qarkaytô-bagul xiinit an waqdi, kaxxam cunxo yot qida suwaawur uble.

Daaniyel 4:6

Sarrak a soonok maqna yoh warsaana'gidih, Baabelon baaxol tan tu-taaxagoh inkih seeco abe.

Daaniyel 5:14

Qagseh kaadu kaak iyyemii, «Yallittê-roocaaniyya kot taniih, atu duddaay ixxiga kee kas lito 'yaanam oobbe.

Daaniyel 5:7

Too waqdi, «Faal-qida kee baab-abeenit kee cutuk-beyah yoh seeca» iyyeh xongole. Woo mari yemeete waqdi, malik keenik iyyeemih, «A kutbe yakriyeeh teetik maqna yoh warisu waa numuh, malik buxah mari haa qasdiimin sartan kee dahabak bicsen silsilatay massakaxxah fillat haanahiyya aceeyyo. Abbootanah kaadu yok gubal sidochaytô-num akkele» iyye.