Daaniyel 4:32 - NABUWWA KEE MALIKWA

³² sahdak koo baxissa heenih dabqih alluwwa lih gacetto. Malcina sanatih gide laahi innah qayso akamuk sugetto. Sarrak Yallay inkih daga raaqahiyya a addunyah abbootan yamlikeeh, isih faxe marah yacayu duudam aaxigetto» kaak iyye.

Daaniyel 4:32 ပူးပေါင်းရင်းမြစ်များ

2 Aydaad 33:13

YALLI, Manasse abe dooqa oggoleeh, Yarusalaamal akah suge malikih gaca'gidih, Yarusalaam fan kaa gacse. Tohuk gexxaamah Manasse, YALLI dibuk Yalla kinnim yeexegeh.

Yasaqya 37:20

Tonna'mmay ta saaku YALLAW, ni Dageltaw, ta numih gabat rade nee kal. Ta numih gabak nee teyyeeqek, kok sa YALLAW, Yalli ane waam, baadal tan doolatwa inkih aaxigele» 'yaanam dooqah iyye.

Yasaqya 40:15

YALLI doolat tuh mayabla. YALLIH garil doolatwa inkih, roobuk radde tiffoh gide; qiddeyti gide, kay foocal. Gadirwa inkih YALLIH garil, gabat heen ballaaqeh gide.

Yasaqya 40:17

Yallih garil doolatwa inkih, tu hinna, tuh ken mayabla.

Yasaqya 45:3

YALLA kinniyom yok taaxige'gidih, dite le aracat daanah yan maaluy sinam elle yan arac akak aaxige waytahiyya koh aceeyyo. YALLAY Israayil doore Dagelta kinnihiyya, migaaqal-koh-seecem taaxiguh, toh abeyyo.

Ermiyaas 27:5

Inni kaxxa qande kee duddat ta addunya gineeh, sahdaytu kee alluwway tet bagul tanihiyya kaadu gine. Innih ginem innih faxe numuh yacayu duuda Dagelta kinniyo.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 4:31

'yaanam iyyuh too yab afat abbaxih, qaraanak xongolo kaal raddeeh, woo xongolo inteemih, «Malik Nabkadnessarow, kok axcem oobbey. Malaakinnu kok beenih,

Daaniyel 5:21

Ummattah addak yewqeeh, kas kaak saqi kas yekke. Dabqih dibookalwa lih gaceeh laahi'nnah qayso yokme. Xiina waqdi qaraanak ooba naafi xagar kaak arquse. Sarra ellecabol Yallay kulliimik daga raaqahiyya a addunyah abbootan yamlikeeh, isih faxe marah yaceem yeexegeh.

Yoosuwa 4:24

Tahak gexxaamah baaxô-bagul enna 'ya mari YALLIH qandek leh gide aaxigeloonuuh; isin kaadu YALLAY sin Dagelta kinnihiyyak daayiman meysitak xiinetton» keenik iyye.