Daaniyel 4:23 - NABUWWA KEE MALIKWA

²³ Atu qaraanak yemeete malaykattuy kulli waqdi bical yani tubleeh; woo malaykatti iyyeemih, ‹Caxa irgiqaay kala. Buxux kee ramiida teetikiiy makalina. Birta kee nacaasak bicsen birti axaw, woo raaqe buxuxut uxuyay, qayso elle tooboke booxal elle caba. Kaal naafi raday malcina sanatih gide alluwwa lih dabqih gacay› iyye.

Daaniyel 4:23 ပူးပေါင်းရင်းမြစ်များ

Daaniyel 4:26

Malaykatti, ‹Caxak buxux baaxol elle cab› akah iyyeemik maqna: addunya inkih xiinissam, Qaraanal yan Yalla kinnim taaxagu wayta saaku, akah sugte malikih gacetto.

Daaniyel 5:21

Ummattah addak yewqeeh, kas kaak saqi kas yekke. Dabqih dibookalwa lih gaceeh laahi'nnah qayso yokme. Xiina waqdi qaraanak ooba naafi xagar kaak arquse. Sarra ellecabol Yallay kulliimik daga raaqahiyya a addunyah abbootan yamlikeeh, isih faxe marah yaceem yeexegeh.

Daaniyel 8:13

Tohuk lakal malaykattuk teeni, aki malaykattuk, «Ahamay away wacyih tanihiyya annal magide fan sugelee?» axcih oobbe. Woo malaykatti kaadu essereemih, «Kulli ayrol Yallih Qibaadah-Qaril aban sadgatih aftok, a wacyih nuble umaane magide fan sugelee? Qaraanal tan qaskar kee Yallih Qibaadah-Qarit yaaqiteenim gaba kaltu waytam, maa saakuuy?» iyye.