Daaniyel 4:19 - NABUWWA KEE MALIKWA

¹⁹ Daaniyel tah yoobbe waqdi wariggiteeh, dago waktit iyyam magenna. Malik kaak iyyeemih, «Beltasaxxaraw, a soonok intu waytaamak mameysitin» iyye. Too waqdi Beltasaxxar kaal gacseemih, «Malikow, a soono edde yabtam koo hinnay ku naqboytiitit takkem faxak en!

Daaniyel 4:19 ပူးပေါင်းရင်းမြစ်များ

1 Malikwa 18:7

Qobadya woo gexoh gexa waqdi, garciik Eliyyasat garaye. Qobadya kaa yeexegeeh, too waqdi addah qununna 'ye. Sarrak, «Yi nabiyow, Eliyyasaw, ah nummaak koo?» iyye.

Ermiyaas 29:7

Anu sin ruube baaxoy seewah sin elle beenihiyyal meqe taamah taamita. Keenit barkat haa'gidih yoo kallacaay, dooqa keenih aba. Macaay inteenik, oson yessemeeqeenik, isin kaadu assamaaqetton› siinik iyya.

Ermiyaas 4:19

Ermiyaas iyyemii, «Anu woyyow, kaxxam keenih biyaakitah an. Woyyow yi ulqow! Ulqi ah yok xiqah mayan! Qeebih yamaate mari aba tirtira kee baantah ugura yol raddah taniih; aham aabbih tibba axcem yoh takkeh matan.

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 2:26

Malik too waqdi Daaniyeliy Baabelon-mari migaaqah Beltasaxxar akak iyyehiyyak iyyeemih, «Anu uble soono kee woo soonoh maqna yoh afdigettom duddaa?» kaak iyye.

Daaniyel 2:37

«Malikow, atu kulli malikwak naba malik kinnito. Qaraanal yan Yalli baaxok inkih amoyta koo abeeh, qande kee milkiiy migaq inkih koh yecee.

Daaniyel 4:24

«Malikow, tahak maqna, Yallay inkih daga raaqa, kot takku waytaamat yaabem nee taybulle.

Daaniyel 5:12

Num aalle waa kas kee ixxiga leeh; soonok maqna warisuh dudda akah le. Missilak kaadu maqna yaaxigeeh, sirrih taniimik maqna yafdige. Too numuh farmo rub. Kaak migaq Daaniyeli. Malik migaaqah Beltasaxxar kaah yeyyeeqeh suge. Usuk ahamih maqna koh warsele» kaak inte.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 5:19

Usuk nabna le numuk yeneemih sabbatah, mango baaxoh mara kee mango meelah yoobokeeh mango afah yaaba mari kaak aben meysi kaak axaxitak sugen. Qidam faxa num qidak sugeeh, wadam faxa num wadak suge. Qawratat qidam faxa num qidak sugeeh; yassakaxxem faxa num assakaxxuk suge.

Daaniyel 7:15

«Yoh tu gactek, too wacyiy ublehiyya kaxxam yoo wariggiseh kinni'nna aaxige cineh.

Daaniyel 7:28

«Ublem tama gide. Tohuk lakal anu innih kaxxam meysiteeh, fooci yok burraaciteh. Ubulla heem inkih baguh raaqise.»

Daaniyel 8:27

Anu tohuk lakal dago ayroora boolaateeh, biyaakitak suge. Sarrak ugutta exceh, malik yoo edde hee taamah gexe. Takkay immay ta wacyik gexxaamah, cisabbootiyyat sugeeh; usuk elle yani'nnih adda cedu effereh.

Cabakkuk 3:10

Qaleeli koo yuble waqdi, kok cunxiteeh, axaxiteh. Qaraanak kaxxa rob radeh; baaxol sugga 'tem duufut bee. Baaxok guba tan lee muxxe; weeqi kaxxa haffo baahe.

1 Samuwel 1:15

Is too waqdi kaak inteemih, «Yi saqalow, sikrat mayyu. Maskirinniyo. Cisaabah bagi akak yankakamme barra kinniyooh, liyoh an ceya YALLAH warsitah kaa kallacak suge.

1 Samuwel 24:8

Tohuk lakal Dawud kay lakat eweqqa 'yeh, «Amoytaw» kaak iyye. Saawul salafah wagga hee waqdi, Dawud kay assakaxxiyyah qansah baaxo xagam fan qununna 'ye.

1 Samuwel 26:15

Too waqdi Dawud kaak iyyeemih, «Abnerow, sugay, atu Israayil rasul labhaytiino edde taadee num hinnitoo? Malikiy amoytah kok yanihiyya macah dacrise waytaah? Ku amoyta qida'gidih num taway isin elle tinfiddigen arac culeh suge.

1 Samuwel 3:17

Too waqdi Qeli, «Yalli maca kok iyye? Kok iyyeemik tu yok maaqurin. Yok uqurra haytek, Yalli kot cabe way» kaak iyye.