Daaniyel 4:18 - NABUWWA KEE MALIKWA

¹⁸ Malik, «Anu ublem ta soono kinnih» 'yaanam iyye. «Ta way Beltasaxxaraw, teetik maqna yoh waris. Yi baaxol tan tu-taaxagok, aham num yoh warisu maduudinna. Takkay immay kot yallittê-roocaaniyya taniimih sabbatah duudetto» iyye.

Daaniyel 4:18 ပူးပေါင်းရင်းမြစ်များ

Yasaqya 19:3

Masri marih mala foyya abeyyooh, niya keenik aggileyyo. Yalla 'yeenih yaqbudeenimil cato esserelon. Ginnili kee kalluwallel fayu essereloonuuh, rabe marih roocaaniyyak, ‹Maca neh taysee?› 'yaanam axcelon.

Daaniyel 1:20

Malik faxe essero esseraah, waagiseenimik faxem taniimih, a affara num, baab-abeenit kee faal-qiday woo baaxol sugga 'tehiyyak inkih, tabna adda tayse ixxiga luk yenen.

Daaniyel 2:38

Baaxô-bagul tan ummattaay, alluwwe kee haadah abbootan inkih koh yecee. Woo soonol tuble dahabak bicsen amo, koo.

Daaniyel 2:7

Too waqdi a mari kaal gacseemih, «Naharak atu tuble soono neh warisaay maqna nel akak cab» kaak iyyen.

Daaniyel 5:15

Tu-taaxago kee faal-qida akke baaheenih sugeeniih, ‹Aham ikriyaay maqna akak yoh warisa› 'yaanam keenik exceh immay, num keenik yoh warisu maduudinna.

Daaniyel 5:8

Too mari inkih kutbe fan xayyooweh; takkay immay aham num keenik yakrayu yeffereh. Malikih a kutbe intaamih maqna warsa num keenit mageytiminna.

Qaamus 3:7

Tonna'mmay YALLAY Mulki le kaadu, nabuwway kay naqoosah tanihiyyah takku waytam naharal warse'kal tu maaba.