Daaniyel 4:17 - NABUWWA KEE MALIKWA

¹⁷ Aham tiysixxigem, kulli waqdi bical tan malayka. Akah tiysixxigem, sahdayti xinto tamlikem, Yallay inkih daga raaqahiyyaay; tet isih faxe numuh yeceem ummatta inkih taaxagay; isih faxek abbootan ramma le numuh yecee» iyye› kaak exce.

Daaniyel 4:17 ပူးပေါင်းရင်းမြစ်များ

1 Malikwa 21:25

YALLIH garil, ahayduma Acab gide YALLI niqbaamat ase num mananna. Tohut inkih kaa asissem, nikaacat luk yen kay barrak ten. Tet migaq Idebalak ten.

2 Aydaad 28:22

Too saaku too gadaamah addat anuk, YALLA kassa mahannaay; umaane kaak dumak lafitteh.

Yasaqya 6:3

Tittah seecak yeneeniih, «YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. YALLAY Nabaamak Nabahiyya *kudduusuk yan. Kay nabna inkih tan addunya duddah» iyyen.

Yasaqya 6:8

Sarrak «Farmoh iyya ruubaah? Ni farmoyta takku waytam iyyaay?» 'yaanam YALLA axcih oobbe. Anu too waqdiiy, «Anu akkeyyok yoo rub» exce.

Yacedkel 25:17

Yi naqbi le'nna ken ayballayuk, uma digaalah ken digaaleyyo. Agaagul sinni canê-gacsa keenit abeyyo. Too waqdi YALLA kinniyom yok aaxigelon» iyye.

Yacedkel 7:24

Kaxxa umeynitih yan mara siinit ruubeyyooh; too mari buxaaxi siinik nagrele. Isin qibaada elle abtan arooca nadaasa abu waa mara siinit ruubu waa waqdi, siinik qande le mari elle kaxxiinitem gaba kalele.

Daaniyel 11:21

«A malaykatti kaadu qagseh yok iyyeemih, ‹Wohuk lakal Suuriyal malik yakkeemih, cakki alle waa malikiy umâ-yabulih tan taama lehiyya reedele. Num kaa cube'kal, garciik amma 'yeh sahda ayrisak malik akkele.

Daaniyel 2:21

Kulli wakti tamlikem kaa; malik abtaah kaltam Yalla. Kas le marah kas taceem kaa; numuh ixxiga taceem kaa.

Daaniyel 4:2

Anu uble qagabak tanim kee ablewaynuy Yallay kulliimik daga raaqa yoo yuybulleehiyya siinih warsam yoh rufto le.

Daaniyel 4:25

Sahdak koo baxseloonuuh; alluwwa lih dabqih gacetto. Malcina sanatih gide laahi innah qayso akamuk, gubbik bagul xiinetto. Qaraanak ooba naafi xagar kok arqusele. Too waqdi sahdayti le abbootan tamlikem, Yallay inkih daga raaqahiyya kinnim aaxigettooh, tet kaadu isih faxe marah yacayu waam aaxigetto.

Daaniyel 7:25

Yallay inkih daga raaqahiyyak aaminnaanim axceleh, Yallih ummattat xukkutele. Muusa keenih yecee xinto kee qiddi ayroora elle suge wayte'nnal korisam keh gabbateleeh; wakti kee waktitte kee waktik garab gide isi amrih gubat heele.

1 Samuwel 2:8

Baacoytiitih suge mara caysah tu maleela gaddalisah. Malik xaylot ken missoysa; kaxxa marat ken missoysa. Baaxo elle tan rakiibo YALLIH imi; baad woo rakiiboh-bagul xise.