Daaniyel 3:29 - NABUWWA KEE MALIKWA

²⁹ Hay, taway, anu sin aysixxigeemih: Faxe baaxoh num yakkuu, hinnay faxe nasabak yanuu, hinnay kaadu, faxe afah yaaba num takku, a sidiica numih Dagelta xaafek, iba kee gabal kaa argiqeyyooh buxa kaak abuuruh cabeyyo. Ken Dageltih innah cata gersi yalli mayana» iyye.

Daaniyel 3:29 ပူးပေါင်းရင်းမြစ်များ

2 Malikwa 10:27

Baqal-elle-yaqbuduh-bicseh-suge-qamiddu bayissaay bututtukka heeniih, Baqal addal akak aqbuduk sugen qari carariseenih. Sarrak woo qari daacoh arac aben. Woo arac uxih a saaku fan daacoh aracah yan.

Qedra 6:11

« ‹Tah cina num yenek, qari kaak iggillaay, caxxay kay qarik yiggileenihiyya mudeeni gurral af bahsissa heenih, kaa edde mudaanama. Qari kaak guddaafa elle haan arac abaanama.

Daaniyel 1:19

Malik yakkeenimik inkih ken lih yaabeh immay, gersi marak inkih Daaniyel kee Cananya kee Misaayel kee Qadarya yossokoote. Tonna-leemiik doolat-taamat culen.

Daaniyel 1:7

Malik gubal taamita num woo marah qusba migaq yeyyeeqe. Migaaqah keenik, Daaniyel deqsita numuk, Beltasaxxar iyyeeh; Cananyak Sadrak iyyeeh, Misaayelik Meesak iyyeeh, Qadarya deqsita numuk Qabednago 'yaanam keenih yeyyeeqe.

Daaniyel 2:17

Sarrak Daaniyel buxah gexeeh, Cananya kee Misaayel kee Qadaryay kay kataysiisih tanihiyyah tikka 'tem inkih keenih warse.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 2:49

Daaniyel malikik, «Sadrak kee Meesak kee Qabednago deqsita mara, Baabelon-rakaakayih caagiidah abbobti ken aba» iyyeeh, malik toh abe. Daaniyelih tu gactek, malik-qaril elle raaqe.

Daaniyel 2:5

Malik keenik iyyeemih, «Uble soono isin yoh warisaay, maqna teetik kaadu isin yoh warisa. Toh abe wayteenik, iba kee gaba rike-rikeh siinik argiggiqeyyooh, buxa siinik kaadu abuuruh cabeyyo. Takkay immay uble soono yoh warisseeniih maqna kaadu yoh akak warisseenik, wohih galtoh meqe mattaco siinih aceeyyooh, naba mara sin abeyyo. Uble soono yoh warisaay maqna akak kaadu yoh warissaanamal, inni bagul gaba kaleh» keenik iyye.

Daaniyel 3:12

Malikow, Yahuud marak Baabelon rasih baddah abbootan akah tecee maray migaaqah Sadrak kee Meesak kee Qabednago deqsitahiyya, kooy malikih yanihiyyah amri cineeniih, ku yalla mayaqbudaanaay; atu soolisse ceeloh gommoh maradan» iyyen.

Daaniyel 3:15

Taway meqek, a gadah yaaguren duyyeh anay taabben waqdi, gommoh raday, ama ceelo uqbuda. Gommoh rade wayteenik, urta muufeh addat sin qideloonu'mmay, yi gabak kalah sin cata yalli mayana» keenik iyye.

Daaniyel 3:17

Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Daaniyel 3:28

Too waqdi malik iyyeemih, «Sadrak kee Meesak kee Qabednago taqbude Dagelta faylisa. Ken Dagelti malaykattu keenih ruubeeh, keeniy kaal yaamineeh kaa yaqbudehiyya cateh. Oson yi amri cineeniih, yalla 'yeenih gersim yaqbudeenimik, faxem keenit takke way, isinni Dagelta yaqbudeenimil gaba kalen.

Daaniyel 6:28

Daaniyel, Daryawes kee Koorisiy Fursih yooboke dardaarinni-dabaanal, kullim gabal akak bicta num yekke.