Daaniyel 3:28 - NABUWWA KEE MALIKWA

²⁸ Too waqdi malik iyyeemih, «Sadrak kee Meesak kee Qabednago taqbude Dagelta faylisa. Ken Dagelti malaykattu keenih ruubeeh, keeniy kaal yaamineeh kaa yaqbudehiyya cateh. Oson yi amri cineeniih, yalla 'yeenih gersim yaqbudeenimik, faxem keenit takke way, isinni Dagelta yaqbudeenimil gaba kalen.

Daaniyel 3:28 ပူးပေါင်းရင်းမြစ်များ

1 Aydaad 5:20

Too qeebih addat, «Nee cat» axcuk Yallal weeqen waqdi, Yalli ken cateh, Hagrih-yooboke-mara kee carbil ken catak yen marak qeebil ken yiysiiseh. Yallal aaminuk yeneenimih sabbatah, usuk ken kallaci yoobbe.

2 Aydaad 20:20

Nammeyhaytô-saaku dibroh ugutta 'yeenih, Takooqa deqsitta magaala elle tan bacarih tan baaxo fan gexoh ugten. Gexo qimbisen waqdi, Malik Yacoosafat ken lih yaabeeh keenik iyyeemih, «Yuuda kee Yarusalaam magaalah ummatey, siinik axceemihii, YALLAY sin Dagelta kinnihiyyal kibalsita. Tonnal maqar baahetton. Away kay nabuwwa sin lih edde yabte yab eemenaay, tonnal nasri geetton» keenik iyye.

2 Aydaad 32:21

YALLI, malaykattu ruubeeh; woo malaykatti Assuuriyah qaskar abbobti kee qaskar qide. Assuuriyah malik tohut wacarriy kaa yibbixeeh, Assuuriya fan yuduure. Ayrok teena Assuuriyah malik, Yallih aftok yalla axcuk Yalla akke sinnim elle yaqbude qarih addal yan waqdi, kay xaylok tu seefit kaa qidde.

Qedra 1:3

Kay ummattak, Yalli sin lih yanay! Tonna'mmay Yarusalaam fan gexxa xicay, YALLAY Israayil doore Dagelta kinnihiyyay Yarusalaam magaalal yanihiyya luk suge qari nammeyhaak xissaanamah idni siinih acee.

Qedra 6:11

« ‹Tah cina num yenek, qari kaak iggillaay, caxxay kay qarik yiggileenihiyya mudeeni gurral af bahsissa heenih, kaa edde mudaanama. Qari kaak guddaafa elle haan arac abaanama.

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 37:36

Tohuk lakal YALLIH malaykatti Assuuriyah-mari elle yan ikke barat amma 'yeh, bool kee bacra-taban kee koona alfih num yiggifeh maacise. Saaku sinam xiinik ugutte waqdi too gide yakke marih ginaada yublen.

Yasaqya 50:10

YALLAK meysitaah, kay-naqasih-yab yaabbe maraw, diteh yan aracal ifu sinnuk gexxan way, Yalla eemenaay kibaal YALLAL haysita.

Daaniyel 2:47

Tohuk lakal kaadu iyyemii, «Ku Dagelti yallittek naba Dageltaay; malikwâ Malik kinnih; sirrih tanim taybulleem kaa» iyye. «Woh elle aaxigem, sirrih taniimik adda yoh warisseh» kaak iyye.

Daaniyel 3:25

Too waqdi malik iyyeemih, «Hay, a girah addat affara num wonnak annah gexah ablek, ah macaay? Axawat kaadu mayaniinaay xagaral keenik cararow kee biyaakak tambulleem matan. Fereyhaytô-num yallittek tiyak teenah tan kaa» iyye.

Daaniyel 4:34

Woo malcina sanat tatrek lakal malik iyyeemih, «Qaraanay Yalli elle yani wagga hee waqdi, kas yol gaceeh, too waqdi Yallay inkih daga raaqahiyyah candu gacseeh; kaay waarahiyya fayliseeh, essekexxeh. Kay mulki kulli way waara; Kay xinto ummaan waarele.

Daaniyel 6:16

Too waqdi malik, «Daaniyel baahay boodot kaa qida» 'yaanamih amri yeceeh; toh aben. Takkay immay malik Daaniyelik annah iyye. «Ku Dageltay atu baguuk taqbudehiyya koo catay» kaak iyye.

Daaniyel 6:26

Yi xintoh gubat yan maraw, kulli num siinik Daaniyel yaqbude Dageltak meysitaah kaa yassakaxxem siinil amrisa. Waara Yalli kaa kinniih; ummaan way waarele. Kay xinto way mabaata. Kay abbootan mayamurruqa.