Daaniyel 3:27 - NABUWWA KEE MALIKWA

²⁷ Malik-xaylooy, xintoh abbobtiiy, ken gubal taamita mara kee malikih fayu yecee mari inkih, woo sidiica numuy gira tu elle baahe waytehiyya yable'gidih yemeete. Xagorta kinni-way keenik carareh manannaay, sari kaadu keenik carareh mananna. Xagaral keenik qerti suruy kinni-way mananna.

Daaniyel 3:27 ပူးပေါင်းရင်းမြစ်များ

1 Malikwa 13:28

Tokkeek gexe waqdi, taaxige Yuudâ-baaxok yemeete nabih lafay gitak addal taniih lubak kee danan garil akak soolahiyyat fellaqqa 'ye. Too lubak nabik raysa maxaginnaay; dananay kaa'lih soolak sugehiyya kaadu xage'kal, tokkel elle soolak kaah sugen.

2 Malikwa 19:19

Tonna'mmay ta saaku, YALLAW, ni Dageltaw, ta numih gabat rade nee kal. Ta numih gabak nee teyyeeqek, YALLAW, kok sa Yalli ane waam, baadal tan doolatwa inkih aaxigele» 'yaanam dooqah iyye.

Yasaqya 26:11

YALLAW, isi-gaba ugusse'mmay, toh mayablan; edde maradan. Isi marah lito kacanu, ableloonuh; wacarriyelon. Koo niqbam girat ambaxele.

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Daaniyel 3:21

Too mari, a sidiica num amot kalabtaay dallaabiyat kee xagarat haan gersi sartan luk uxuyyu ken heeniih, girat ken qiden.

Daaniyel 6:23

Too waqdi malik kaxxam ruffu yeh, «Boodok kaa eyyeeqa» iyye. Daaniyel boodok yeyyeeqen waqdi, Yalla yeemeneemih sabbatah, xagaral anxaqa kaak mananna.

Daaniyel 6:7

Neey ku xintoh gubal abbootan lehiyyay garab akak taamita marih amô-wagittot yaniih garab xintoh abbobtih akak yaniih garab kaadu xintoh abbobtih gubal yan mara kee doolat abbootan elli haa marak titta elle geyneemih: soddom ayroh gide koo akke waytek, gersi mara kee faxinnaan yallal num tu essere waamal bicnek, atu toh xintô-madqa takke'gidih amri ucuy. Ta amri cininnaan num lubooka edde tan boodoh addat nek qid» iyyen.