Daaniyel 3:25 - NABUWWA KEE MALIKWA

²⁵ Too waqdi malik iyyeemih, «Hay, a girah addat affara num wonnak annah gexah ablek, ah macaay? Axawat kaadu mayaniinaay xagaral keenik cararow kee biyaakak tambulleem matan. Fereyhaytô-num yallittek tiyak teenah tan kaa» iyye.

Daaniyel 3:25 ပူးပေါင်းရင်းမြစ်များ

Yasaqya 43:2

Kaxxa weeqaytih adda tabtaanamah, anu sin lih ani'kkal, akak cunxittaanam manton. Weeqi siinit yamaateemih, anu sin lih ani'kkal, duufut sin mabeya. Urta girak adda gactaanamah gira sin matakma. Anu sin lih ani'kkal, girâ-huuri sin macararisa.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Daaniyel 3:18

Takkay immay nee cate waamah, atu yallah litom manaqbudaay, atu soolisse ceeloh gommoh maradna» kaak iyyen.

Daaniyel 3:24

Sarrak Nabkadnessar garciik waaga tibbixeeh, gubaak kaqqa 'yeh, fayu kaah yecee marak iyyeemih, «Noxeeh muufeh addat qideenim sidiica num hinnaa?» iyye. Osonuuy, «Sidiica num qidnem digga le» iyyen.

Daaniyel 3:28

Too waqdi malik iyyeemih, «Sadrak kee Meesak kee Qabednago taqbude Dagelta faylisa. Ken Dagelti malaykattu keenih ruubeeh, keeniy kaal yaamineeh kaa yaqbudehiyya cateh. Oson yi amri cineeniih, yalla 'yeenih gersim yaqbudeenimik, faxem keenit takke way, isinni Dagelta yaqbudeenimil gaba kalen.

Daaniyel 6:23

Too waqdi malik kaxxam ruffu yeh, «Boodok kaa eyyeeqa» iyye. Daaniyel boodok yeyyeeqen waqdi, Yalla yeemeneemih sabbatah, xagaral anxaqa kaak mananna.