Daaniyel 3:24 - NABUWWA KEE MALIKWA

²⁴ Sarrak Nabkadnessar garciik waaga tibbixeeh, gubaak kaqqa 'yeh, fayu kaah yecee marak iyyeemih, «Noxeeh muufeh addat qideenim sidiica num hinnaa?» iyye. Osonuuy, «Sidiica num qidnem digga le» iyyen.

Daaniyel 3:24 ပူးပေါင်းရင်းမြစ်များ

2 Aydaad 22:4

Kay abba rabek sarra, Malik Acab buxah mari kaadu uma fayuh kaa fayisak yenen. Tonna-leemik, Acab buxah mari akah abak suge innah, Malik-Acadya kaadu YALLAL dambi lem baahe. Toh sarra baati kaah xalte.

Daaniyel 3:17

Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Daaniyel 3:23

A sidiica numuy yooxeenihiyya woo girah addat raden.

Daaniyel 3:25

Too waqdi malik iyyeemih, «Hay, a girah addat affara num wonnak annah gexah ablek, ah macaay? Axawat kaadu mayaniinaay xagaral keenik cararow kee biyaakak tambulleem matan. Fereyhaytô-num yallittek tiyak teenah tan kaa» iyye.

Daaniyel 4:22

Malikow, too caxa koo kinni. Atu naba malikiy kaxxa qande le tekke. Kaxxam tembeeh, abbootan kok qaran gufeeh, qande kok addunyâ-bagul fixixxeh.

Daaniyel 4:27

Hay, tonnal malikow, ku maganak anu koh acee fayu oobbey. Dambi lem maabinaay gitah tanim ab. Umaane cabaay, xukkot yan marah xuwaw. Tonnal gaddaliino koo cabe waytam takkeh» kaak iyye.

Daaniyel 5:18

Malikow, Yallay kulliimik daga raaqahiyya ku abbah yen Nabkadnessar kaxxa malik abeeh migaq kee heebatiiy nabna kaah yecee.

Daaniyel 5:6

wariggiteeh; abeh yan wariggak gexxaamah fooci kaak burraaciteeh, guluuba kaak axaxxeh, yinnikisseh.

Daaniyel 6:22

Yi Dagelti a lubooka tu yol baahe wayta'gidih, af keenik taxee malayka ruube. Yalli woh akah abem, anu qellat baahe weeh kol umaamat ase weem aaxaguk yeneemih sabbata, malikow» kaak iyye.

Daaniyel 6:7

Neey ku xintoh gubal abbootan lehiyyay garab akak taamita marih amô-wagittot yaniih garab xintoh abbobtih akak yaniih garab kaadu xintoh abbobtih gubal yan mara kee doolat abbootan elli haa marak titta elle geyneemih: soddom ayroh gide koo akke waytek, gersi mara kee faxinnaan yallal num tu essere waamal bicnek, atu toh xintô-madqa takke'gidih amri ucuy. Ta amri cininnaan num lubooka edde tan boodoh addat nek qid» iyyen.

1 Samuwel 17:55

Saawul naharak Dawud Golyaadat qeebi aba'gidih gexah yuble waqdi, qaskarak abbah yen numuy migaaqah Abner deqsitahiyyak, «A awki iyyin baxay?» axcuk essereh yen. Woo numuy, «Yi amoytaw, anu maaxiga» 'yaanam kaal gacse.