Daaniyel 3:17 - NABUWWA KEE MALIKWA

¹⁷ Takkay immay muufek addat nee qiddaamah, nanu naqbude Dagelti nee yayyaaqu duudaah, ku gabat nee biyaakite kalam duudah.

Daaniyel 3:17 ပူးပေါင်းရင်းမြစ်များ

Yasaqya 12:2

Wadeenah yok tanim Yalla; toh aaxigeh; digga liyo. Kaa aamineh, tuk mameysita. Qande akak geem YALLA kinni; kay dacayrih guba edde anim. YALLAY yoo wade kaa kinni. Faylisam YALLAY yoo wada>> 'yaanam axcetton.

Yasaqya 54:14

Cakkik tan maqaane xinto kok akkele; xukko kee cunxok amaan akketto.

Ermiyaas 1:8

Anu koo cata'gidih ko'lih aniih; num kot baaham mali. Tah intam yoo YALLA'mmay, keenik mameysitin› 'yaanam yok iyye.

Ermiyaas 15:20

Nacaasak bicsen birtay xaggiime waa keenil akketto. Qeebi kot abe loonu'mmay, kok mayaysan. Anu innih ko'lih gaceyyo. Koo xagtu waytam matan.

Ermiyaas 15:21

Umeynit kee sarri-leelak anu innih koo cateyyo; inni dacayrit koo heeyyo. Tahat yabtam yoo YALLA» yok iyye.

Daaniyel 3:26

Sarrak Nabkadnessar urta muufek afah amma 'yeh iyyeemih, «Sadrakow! Meesakow! Qabednagow! Yallay kulliimik daga raaqahiyyah naqoosay eweqay!» keenik iyye. Oson too waqdi xayuk yewqen.

Daaniyel 4:35

Baaxol enna 'ta ummatta kay garil tu hinna. Qaraanal tan malayka kee baaxol tan ummatta inkih kay milkih gubat tan. Usuk faxeemil saduh gacu duuda num mayan. Usuk abem macah tekkeeh, iyyu duuda num mayan.

Daaniyel 6:16

Too waqdi malik, «Daaniyel baahay boodot kaa qida» 'yaanamih amri yeceeh; toh aben. Takkay immay malik Daaniyelik annah iyye. «Ku Dageltay atu baguuk taqbudehiyya koo catay» kaak iyye.

Daaniyel 6:23

Too waqdi malik kaxxam ruffu yeh, «Boodok kaa eyyeeqa» iyye. Daaniyel boodok yeyyeeqen waqdi, Yalla yeemeneemih sabbatah, xagaral anxaqa kaak mananna.

Daaniyel 6:27

Umaanek cattaah waddam kaa. Able weeniih aabbe weenim, qaran kee baaxô-bagul abtam kaa. Lubookah afak Daaniyel cattem usuk yaqbude Dagelta» 'yaanam iyye.

Miika 7:7

Yoh tu gactek, anu YALLI abam YALLAK qambaaleyyo. Yi Dagelti yoo catelem aaxigeeh, kaa qambaaleyyo. Yi Dagelti yi yab aabbele» iyye.

1 Samuwel 17:37

YALLAY lubokwa kee gersi alluwwak yoo catehiyya a Filistiin numuk yoo catele» iyye. Saawuluuy, «Meqeh hay, YALLI ko'lih yanayak gex» kaak iyye.

1 Samuwel 17:46

Ta saaku YALLI yi gabah addat koo heele. Anu kok qeebih ayseyyooh, moyya kok kaleyyo. Filistiin marih raysi guma kee alluwwâ-gadda akkele. Tohuk wadir Israayil mari Yalla lem baadal yan mari inkih aabbele.